بایدن ل دۆر بڕیارا گرتنا پۆتینى هاته‌ ده‌نگ

بەلاڤ بکە

گاڤ
جۆ بایدن سه‌رۆكێ ئه‌مریكا ل دۆر بڕیارا ده‌سته‌سه‌ركرنا سه‌رۆكێ رۆسیا ڤلادیمێر پۆتینى هاته‌ ده‌نگ و راگه‌هاند، پۆتینى تاوانێن جه‌نگى كرینه‌.
دوهى ئه‌ینیێ دادگه‌ها تاوانێن نێڤده‌وله‌تى راگه‌هاند، د نها دا به‌لگه‌یێن پێدڤى لبه‌ر ده‌ستن و د سه‌لمینن سه‌رۆكێ رۆسیا تاوانێن جه‌نگى كرینه‌، ژ وان تاوانان ژى ب ره‌نگه‌كێ نه‌ یاسایی زارۆكێن ئۆكراینى بۆ رۆسیا ڤه‌گوهاستینه‌.
جۆ بایدن ل دۆر ڤێ بڕیارێ د كۆنگره‌یه‌كێ رۆژنامه‌ڤانى دا ب ئاماژه‌ دان ب پۆتینى راگه‌هاند، رۆهنه‌  تاوانێن جه‌نگى كرینه‌ و بڕیارا دادگه‌ها نێڤده‌وله‌تى ره‌وایه‌.
ژلایێ خۆ ڤه‌، وه‌زاره‌تا ده‌رڤه‌یا ئه‌مریكا د به‌یاننامه‌یه‌كێ دا راگه‌هاند، ئه‌مریكا ب خۆ گه‌هشتیه‌ وى ئه‌نجامى كو هێزێن رۆسیا ل ئۆكراینا تاوانێن شه‌ڕى كرینه‌ و دڤێت ب به‌رپرسیارنه‌ لێپرسین بهێته‌كرن.
 

More About