دو ئه‌ردهه‌ژان ئێكێ ل توركیا یا دى ل تاجیكستانێ دا

بەلاڤ بکە

 

گاڤ

ئه‌ڤرۆ ئه‌ردهه‌ژه‌كێ ل باژێرێ مه‌ره‌ش یێ باكۆرێ كوردستانێ دایه‌، لێ زیانێن گیانى نه‌بووینه‌. هه‌ر سپێده‌هیا ئه‌ڤرۆ ئه‌ردهه‌ژه‌كێ ب پله‌یا 4 ل گۆره‌ى پیڤه‌رێ ریخته‌ر ل وه‌لاتێ تاجیكستانێ دایه‌.

ناڤه‌ندا چاڤدێریكرنا ئه‌ردهه‌ژان یا ئه‌ورۆپى راگه‌هاند، سپێده‌هیا ئه‌ڤرۆ ئه‌ر‌دهه‌ژه‌كێ ب پله‌یا 4.8 ل گۆره‌ى پیڤه‌رێ ریخته‌ر ل باژێرێ مه‌ره‌ش یێ باكورێ كوردستانێ دایه‌ كو سه‌نته‌رێ ئه‌ردهه‌ژا 6ى هه‌یڤا بۆرى یه‌ كو ژ ئه‌نجامێ وێ تا نها پترى 50 هزار كه‌سان گیانێ خۆ ژ ده‌ستداینه‌.

 هه‌ر سپێده‌هیا ئه‌ڤرۆ ئه‌ردهه‌ژه‌كێ ل وه‌لاتێ تاجیكستانێ دا و ل گۆره‌ى سه‌رۆكا لژنه‌یا د هه‌وارچوون و به‌رگریا شارستانى یا تاجیكستانێ، ئه‌ردهه‌ژ ل ده‌مژمێر 5 و ئێك خوله‌ك یا سپێده‌هیا ئه‌ڤرۆ ب دویراتیا 260 كیلۆمه‌تران ل رۆژهه‌لاتا پایته‌خت دوشه‌نبیێ بوویه‌. لێ ئه‌ردهه‌ژێ زیانێن گیانى ل پشت خۆ نه‌هێلاینه‌.

 

 

 

More About