گاڤ

هه‌وا ’به‌رمايك و گلێشێن خۆ نه‌هاڤێژن’ و ب تايبه‌ت ل جهێن گه‌شتوگۆزارى ل پارێزگه‌ها هه‌ولێرێ ده‌ستپێكر.

كارگێريا پارێزگه‌ها هه‌ولێرێ داخواز ژ خه‌لكى كر كو به‌رمايكان نه‌هاڤێژن و پشتى سه‌ره‌دانا جهێن گشتى و گه‌شتيارى دكه‌ن، به‌رمايكێن خۆ راكه‌ن.

ئومێد خۆشناو پارێزگارێ هه‌ولێرێ ئه‌ڤرۆ شه‌مبيێ دياركر؛ هێلانا به‌رمايكان ژ لايێ ژينگه‌هى ڤه‌ كاره‌كێ گه‌له‌ك خرابه‌.

راگه‌هاند ژى؛ مه‌ هه‌وا پاقژكرنا كۆمه‌لگه‌ها دلۆپه‌ و بلنداهيێن كه‌سنه‌زان ده‌ستپێكر.

پارێزگه‌ها هه‌ولێرێ هه‌روه‌سا داخواز ژ خه‌لكێ پارێزگه‌هێ و گه‌شتياران كر كو پێنج خۆله‌كان ژ ده‌مێ خۆ بده‌نه‌ راكرنا به‌رمايكێن خۆ و ب تايبه‌ت ل رۆژێن نه‌ورۆزێ.