تۆنى بلێر: شه‌ڕی مه‌ ل ئیراقێ بۆ دیمۆكراسیێ بوو لێ شه‌ڕێ پۆتینى ل ئۆكراینا داگیركاریه‌

بەلاڤ بکە

 

گاڤ

سه‌رۆكوه‌زیرێ به‌رێ یێ بریتانیا د سالڤه‌گه‌ڕا 20ێ یا ده‌ستپێكرنا شه‌ڕێ هه‌ڤپه‌یمانان بۆ سه‌ر رژێما به‌رێ یا ئیراقێ دیاركر كو سه‌رۆكێ رۆسیا نه‌شێت شه‌ڕێ ل ئیراقێ ل سالا 2003 بكه‌ته‌ به‌هانه‌ بۆ شه‌ڕێ ل سه‌ر ئۆكراینا.
د رۆژه‌كا وه‌كى ئه‌ڤرۆ دا ل 19/3/2003 شه‌ڕێ هه‌ڤپه‌یمانان ل سه‌ر رژێما به‌رێ یا ئیراقێ ب سه‌ركردایه‌تیا ئه‌مریكا و بریتانیا و ب پشكداریا ژماره‌یه‌كا وه‌لاتان ده‌ستپێكربوو و ل 9/4/2003 رژێما سه‌دامى هاتبوو ئێخستن.
مالپه‌رێ دوچ ڤیله‌ یێ ئه‌لمانى ژ تۆنى بلێر ڤه‌گوهاستیه‌؛ رۆسیا وه‌لاته‌ك داگیركریه‌ كو سه‌رۆكه‌كێ هه‌لبژارتى هه‌یه‌ و وى وه‌لاتى چ قه‌یرانێن هه‌رێمایه‌تى نه‌ئازراندینه‌ و شه‌ڕ ل دژى چ جیرانێن خۆ نه‌كرینه‌.
بلێر گۆت ژى "د به‌رانبه‌ر دا، سه‌دام حسێن تاوان ل دژى گه‌لێ خۆ ئه‌نجامداینه‌ و دو شه‌ڕ كرینه‌ وه‌ك بنپێكارى بۆ یاسایا نێڤده‌وله‌تى و چه‌كێن كیمیایى بكارئیناینه‌".
خۆیا ژى كر؛ ژ بۆ سه‌پاندنا دیمۆكراسیێ، مه‌ دكتاتۆره‌ك ل ئیراقێ راكر.
 

More About