ل یابانێ خولێن فێربوونا گرنژینێ دهێنه ڤهكرن
گاڤ
یابانى ژ وان مللهتانه یێن حهز ژ كهنیێ دكهن، لێ هاتنا كورۆنایێ و گرێدانا ماسكى بۆ ماوهیێ سێ سالان كاریگهریهكا نهرێنى لسهر پێكهنیا وان كرى یه.
ل گۆرهى لێكۆلینهكێ كو ل رۆژنامهیا نیۆیۆرك تایمز بهلاڤبوویه، خهلكێ وهلاتێن رۆژههلاتا ئاسیا ب تایبهتى یابانیان پتریا وان گرنژین ژبیر كرینه.
باس ل وێ ئێكێ ژى كریه ژبهركو چهندین سالن یابانى ژبهر كۆرۆنایێ ماسكى گرێ ددهن، دوباره پێدڤى ب راهێنانان ههیه داكو دهمێ د گرنژن، ئهو گرنژین دگهل دێمێ وان بگونجیت.
ل گۆرهى راپۆرتا نیۆیۆرك تایمز نها پتریا وهلاتیێن یابانێ پشكدارى خولێن راهێناان لسهر گرنژینێ بووینه داكو دهمێ دكهنن ددانێن وان كرێت دهرنهكهڤن و ههستێ ب شهرمێ نهكهن.
راپۆرت دیار دكهت ژى، پشتى حكومهتا یابانێ راگههاندى دێ دویماهیێ ب رێنمایێن كورۆنایێ ئینیتـ خواستا پشكداریێ د خولێن راهێنانێن گرنژینێ دا چار جاران پتر زێدهبوویه.