راپۆرتهك: كۆریا باكۆر بۆ كویلایهتیێ ل رێزا ئێكێ ل سهر ئاستێ جیهانێ دهێت
گاڤ
راپۆرتهكا نوى دیاركریه كو بلندترین رێژهیا كویلایهتیێ ل جیهانێ ل وهلاتێ كۆریا باكۆر ههیه و ئاماژه دایه وێ چهندێ ژى كو رۆسیا و توركیا د لیستا 10 وهلاتێن پترین كویلایهتیێ تێدا ههین دانه.
راپۆرتهكا سیگنالێ كویلایهتیێ ل جیهانێ بۆ سالا 2023 دیاركریه؛ تێكرایێ كویلایهتیێ ل كۆریا باكۆر 104.6ه بۆ ههر هزار كهسان و ب ڤێ چهندێ ل رێزا ئێكێ بۆ كویلایهتیێ دهێت ههروهسا ئیریتریا ل رێزا دوێ ب 90.3 بۆ ههر 100 كهسان و مۆریتانیا ل رێزا سیێ ب 32 بۆ ههر 100 كهسان دهێن.
ههروهسا سعوودیه، ئیمارات و كوێت ژى دناڤ دههـ وهلاتێن پترین رێژهیا كویلایهتیێ تێدا ههین، دهێن ژ بهر كو سیستهمێ كهفالهتێ مافێن كرێكارێن بیانى سنووردار دكهت.
ههروهسا وهلاتێن توركیا، تاجیكستان، رۆسیا و ئهفغانستان ژى دناڤ لیستهیا دههـ وهلاتێن پێشیێ بۆ كویلایهتیێ دهێن.
راپۆرتێ ئاماژه ب وێ چهندێ دایه كو نزیكى 50 ملیۆن كهسان ل جیهانێ د سالا 2021 دا د رهوشا كویلایهتیا سهردهم دا ژیاینه ب زێدهبوونا 10 ملیۆن كهسان ژ سالا 2016.
خۆیا ژى كریه كو ژ بهر شهڕ و پهڤچوونێن چهكدار، تێكچوونا ژینگههێ و ژمارهیهكا فاكتهرێن دى رهوش بهرهڤ خراببوونێ ڤه دچیت.