رۆیتەرز: حزبەکا تورکی دخوازیت بەلەنسا هەلبژارتنێن سەرۆکاتیێ بگوهۆڕیت

بەلاڤ بکە

گاڤ
ل گۆرەی ئاژانسا رویتەرز، دەربارەی پلانا ئابۆری، بەرپرسێن حزبا دەستهەلاتدار یا تورکیا دو بۆچوون هەنە و سەرۆکێ حزبا دژی پەنابەران ژی پشتەڤانیا خۆ بۆ هەڤپەیمانیا میللەت راگەهاند.
ئاژانسا رویتەرز ژ زارێ 9 ژێدەرێن فەرمی و نەفەرمی یێن ناڤا تورکیا دیار کر کو بەرپرسێن کەڤن یێن پارتیا داد و گەشەپێدان ئاکەپێ و بەرپرسێن نوی یێن نوکە د دەستهەلاتێ دا دەربارەی دانانا پلانا ئابۆری بۆ دەربازکرنا کێشەیێن ئابۆری یێن وەلاتی بووینە دو بەرە، بەرپرسێن کەڤن دخوازن پلانەکا نوی بهێتە دانان، ژبەرکو ترس هەیە شلقەکا دی ب سەر ئابۆرێ تورکیا دا بهێت و تورکیا خۆ ل بەر وێ شلقێ نەگریت.
ژێدەران دا زانین ژی کو بەرپرسێن نوکە د دەستهەلاتێ دا باوەری هەیە کو ئەردۆگان دشێت ب پلان و پرۆگرامێن ئابۆری یێن راگەهاندین، سەرکەفتنێ د گەڕا دویێ یا هەلبژارتنان دا بینیت.
ژ ئالیەکێ دی ڤە ژی ئومیت ئۆزداگ، سەرۆکێ حزبا زافەر یا دژی پەنابەران د کۆنگرەیەکێ رۆژنامەڤانی دا پشتەڤانیا خۆ و پارتیا خۆ بۆ کەمال کلچدار ئوغلۆی راگەهاند و گۆت: ئەو پێشتر ل گەل ئاکەپێ ژی ئاخفتیە، لێ وان چ پلان نینن بۆ ڤەگەراندنا پەنابەران بۆ وەلاتێن وان، لەورا ئەو دێ د گەڕا دویێ یا هەلبژارتنان دا پشتەڤانیا هەڤپەیمانیا میللەت کەن و دەنگی ب کلچدارئوغلۆ دەن.
پارتیا زافەر د هەلبژارتنێن ڤێ دوماهیێ دا رێژەیا ٪2.2 یا دەنگان بدەستڤە ئینابوو و ل گۆرەی رویتەرزێ، دێ بیتە بالانسەکا باش د گەڕا دویێ دا پشتی کو سینان ئۆگانێ بەربژارێ هەڤپەیمانیا ئاتا پشتەڤانیا خۆ بۆ ئەردۆگانی دیار کری.
 

More About