رۆژنامهیهك نویترین زانیاریان ل دۆر چوونا مێسى بۆ دناڤ رێزێن بهرشلۆنا دا بهلاڤ دكهت
بەلاڤ بکە
گاڤ
لیۆنێل مێسى یاریكهرێ ئهرجهنتینى یێ یانهیا PSG ل دۆر گههشتنا ئۆفهرهكێ بۆ وى ژ یانهیا بهرشلۆنا هاته دهنگ.
ل گهل نهگههشتنا مێسى و كارگێریا پاریس سان جێرمان بۆ رێككهفتنێ ل دۆر نویكرنا گرێبهستا وى ل گهل یانهیێ، ژمارهیهكا نووچهیان ل دۆر گرنگیپێدانا بهرشلۆنا ب مێسى بهلاڤبووینه.
ههروهسا ناڤێ مێسى بۆ چوونێ بۆ دناڤ رێزێن یانهیهكا سعوودى یان ئهمریكى ژى دا هاتیه بهحسكرن.
رۆژنامهیا موندۆ دێپۆرتێڤۆ یا ئسپانى ژ مێسى ڤهگوهاستیه كو تا نوكه چ ئۆفهرێن فهرمى ژ بهرشلۆنا نهگههشتینه وى.
رۆژنامهیێ ئاماژه دایه دیدارهكێ ل حهفتیا بۆرى دناڤبهرا مێسى و سێرجیۆ بوسكێتس، جۆردى ئهلبا و سێرجى رۆبێرتۆ ههڤالێن بهرێ یێن مێسى د بهرشلۆنا دا و دیاركریه كو وان یاریكهران شیڤهك ل گهل مێسى خوارن و چ وێنهیێن دیدارێ د سوشیال میدیایێ دا بهلاڤ نهكرن.
رۆژنامهیێ ئاشكرا كریه كو وان یاریكهران پرسیار ژ مێسى كرن كا دێ جارهكا دى ڤهگهڕیتهڤه دناڤ رێزێن بهرشلۆنا دا یان نه، بهرسڤا مێسى ئهو بوو كو چ ئۆفهرێن فهرمى ژ بهرشلۆنا نهگههشتینێ.
رۆژنامهیێ ئاماژه ب وێ چهندێ ژى كریه كو بهرشلۆنا ل هیڤیا رازیبوونا دهستهیا لالیگایێ یه دا كو ب فهرمى گۆتوبێژان ل گهل مێسى دهستپێبكهت.
