"رۆسیا دهست ب ڤهگوهاستنا چهكێ ئهتۆمى بۆ بيلارۆسیا كر"
گاڤ
سهرۆكێ بیلارۆسیا ئهڤرۆ پێنجشهمبیێ راگههاند كو رۆسیا دهست ب ڤهگوهاستنا پشكهكێ ژ چهكێ ئهتۆمى یێ تهكتیكى بۆ بیلارۆسیا كر.
ئاژانسا تاس ژ ئهلێكساندهر لوكاشێنكۆ سهرۆكێ بیلارۆسیا ڤهگوهاستیه "ڤهگوهاستنا چهكێ ئهتۆمى یێ رۆسى بۆ بیلارۆسیا دهستپێكر".
رۆسیا د دهمهكێ دى دا ژ ئهڤرۆ رێككهفتنهك ل گهل ههڤپهیمانا خۆ بیلارۆسیا ل دۆر ههلگرتنا سهرێن ئهتۆمى یێن جهنگى د ئاڤاهیهكێ تایبهت دا ئیمزا كربوو.
ل گۆرهى وێ رێككهفتنێ، پرۆسێسا ههلگرتنا چهكێ ئهتۆمى یێ رۆسی ل بیلارۆسیا دهستپێكر و د دهمێ ههیڤهكێ دا ژ نوكه دێ تهمام بیت.
سێرگى شویگۆ وهزیرێ بهڕگریێ یێ رۆسیا ل دۆر ڤێ چهندێ دیاركر كو مولكداریا وان چهكان و بڕیارا بكارئینانا وان د دهستێن رۆسیا دایه.
ژمارهیهكا وهلات و سازیێن رۆژئاڤایى ههروهسا بهرپرسێن كیێڤێ ژ بهرى نوكه هوشدارى ژ پلانا رۆسیا ب ڤهگوهاستنا چهكێ ئهتۆمى یێ تهكتیكى بۆ بیلارۆسیا دابوون ل دهمهكێ شهڕ و پهڤچوون دناڤبهرا هێزێن رۆسى و ئۆكراینى دا ل ههرێما دونباس و رۆژههلاتێ ئۆكراینا د بهردهوامن.