كهسهك پشتى ترۆمبێلا وى ب دهرازینكا بارهگایێ سهرۆكوهزیرێ بریتانیا كهفتى هاته دهستهسهركرن
05/25/2023 - 23:19
گاڤ
پۆلیسێن بریتانى دهستهسهركرنا زهلامهكێ پشتى ترۆمبێلا وى ب دهرازینكێن بارهگایێ سهرۆكوهزیرێ بریتانیا ل نیڤا لهندهن كهفتى، راگههاند.
پۆلیسێن بریتانى د بهیانهكێ دا ئاشكرا كر؛ ل دهمژمێر 15:20 ب دهمێ گرێنچ، ترۆمبێلهك ب دهرازینكا داونینگ ستریت ل وایت هۆل كهفت.
دیار ژى كریه كو هێزێن ئێمناهیێ كهسهكێ گۆمانلێكرێ ل جهێ رویدانێ دهستهسهركر.
پۆلیسان دیار ژى كو چ كهس د رویدانێ دا بریندار نهبووینه و لێكۆلین ل دۆر بوویهرێ د بهردهوامن.
ل گۆرهى راپۆرتێن بریتانى، ریشى سوناك سهرۆكوهزیرێ بریتانیا ل دهمێ رویدانێ ل بارهگایێ خۆ بوو و پشتى رویدانێ بارهگا ب جهـ هێلا.