گاڤ

ئەڤرۆ پشتی نیڤرۆ ل هاڤینگەها گەلیێ زەنتە ل سنۆرێ دەڤەرداریا ئاکرێ، گەشتیارەک خەندقی و ب گۆتا ساخلەمیا ئاکرێ، ئەو گەشتیار عەرەبە.

بەرپرسێ راگەهاندنا ساخلەمیا ئاکرێ ب رێکا گاڤ راگەهاند: ئەڤرۆ پشتی نیڤرۆ، ئەو هاتنە ئاگەهدارکرن کو گەنجەکێ عەرەب ل هاڤینگەها گەلیێ زەنتە خەندقی یە، هەرچەندە ئەو گەنج گەهاندیە نەخۆشخانێ ژی، لێ ل دەما گەهاندی، ژیانا خۆ ژ دەست دابوو ژی.

ژێدەری هەروەسا دیار کر: تەرمێ وی گەنجی نوکە ل نەخۆشخانەیا تەنگاڤیان یا ئاکرێ یە، ئەو دزانن عەرەبە، لێ ناسنامەیا وی یا بدروست نزانن و چ کەس لێ نەبوویە خودان.