ئه‌رێ زێدان دێ بیته‌ راهێنه‌رێ یانه‌یا نه‌سر؟

بەلاڤ بکە

 

گاڤ

زێنه‌دین زێدان راهێنه‌رێ فره‌نسى هه‌لویستێ خۆ ل دۆر ئۆفه‌را یانه‌یا نه‌سر یا سعوودى ئه‌وا كو كریستیانۆ رۆنالدۆ دناڤ رێزێن وێ دا یاریێ دكه‌ت راگه‌هاند.
هه‌ر ژ هاڤینا سالا 2021 و پشتى هێلانا زێدانى بۆ پۆستێ راهێنه‌رێ ریال مه‌درید، ئه‌و د بێهنڤه‌دانێ دایه‌ ژ كارێ راهێنه‌ریێ و یانه‌یا نه‌سر یا سعوودى ئۆفه‌ره‌كا دارايى يا مه‌زن پێشكێشى وى كریه‌.
یانه‌یا نه‌سر پشتى ژكارلادانا راهێنه‌ر رۆدى گارسیا و دانانا دیكۆ یێلیچیچ ب ده‌مكى وه‌ك راهێنه‌رێ یانه‌یێ تا دویماهیا وه‌رزى، ل راهێنه‌ره‌كێ ب هێز بۆ وه‌رزێ بهێت 2023-2024 و وه‌رزێن ل دویڤ دا دگه‌ڕیت.
رۆژنامه‌یا Footmercato د ڤى ده‌رباره‌ى دا به‌لاڤكریه‌؛ كارگێریا نه‌سر ئۆفه‌ره‌ك بۆ دو وه‌رزان ب بهایێ 150 ملیۆن یۆرۆیان پێشكێشى زێدانى كریه‌ دا كو ببیته‌ راهێنه‌رێ یانه‌یێ و بگه‌هیته‌ كریستیانۆ رۆنالدۆى د ئێك يانه‌ دا.
رۆژنامه‌یا ئاشكرا ژى كریه‌ كو "زێدان ل سه‌ر ئۆفه‌را یانه‌یا نه‌سر رازى نه‌بوو هه‌رچه‌نده‌ وى ده‌لیڤه‌یا وه‌رگرتنا ئه‌ركێ راهێنه‌ریێ یێ هه‌لبژارتیێ فره‌نسا د ده‌مێ بۆرى دا ژده‌ستدابوو".
دیار ژى كریه‌ "زێدانى ئه‌وێ سێ ناسناڤێن چامپیۆنز لیگێ ل گه‌ل ریال مه‌درید بده‌ستڤه‌ئیناین، دڤێت ئه‌ركێ راهێنه‌ریا یانه‌یه‌كا مه‌زن ل سه‌ر ئاستێ جیهانێ وه‌ربگریت و نه‌ك نه‌سر یا سعوودى".
ژماره‌یه‌كا یانه‌یان ژ وان ژى یۆڤێنتۆس یا ئیتالى و پاریس سان جێرمان یا فره‌نسى گرنگیێ ب دانانا زێدانى وه‌ك راهێنه‌ر بۆ یانه‌یا خۆ دكه‌ن.

More About