حۆسیان کەشتیەکا ئسرائیلی گرت
11/19/2023 - 18:55
گاڤ
حۆسیێن یەمەنێ ل دەریا سۆر دەست ب سەر کەشتیەکا ئسرائیلی دا گرت و ب گۆتنا سوپایێ ئسرائیلێ، چ وەلاتیێن ئسرائیلی د وێ کەشتیێ دا نینن.
سوپایێ ئسرائیلێ راگەهاند: ئەڤرۆ ل دەریا سۆر، گرۆپەکێ رێگرێن حۆسی دەست ب سەر کەشتیەکا ئسرائیلی دا گرتیە کو 22 کەس تێدانە، لێ چ ژ وان کەسان وەلاتیێن ئسرائیلێ نینن.
هەڤدەمی راگەهاندنا سوپایێ ئسرائیلێ، نڤیسینگەها بنیامێن نەتەنیاهۆ، سەرۆکوەزیرێن ئسرائیلێ راگەهاند: دەستبسەرداگرتنا کەشتیان و تێکدانا رێکێن هاتنوچوونێ یێن نێڤدەولەتی دێ کارتێکرن ل ئاساییشا نێڤدەولەتی بیت.
کەشتیا ئسرائیلی ژ تورکیا بەر ب هندستانێ دچوو و پێشتر ژی حۆسیان گەف کربوون کو هەر کەشتیەکا ئسرائیلی بیت یان خودانێ کۆمپانیا کەشتیێ ئسرائیلی بیت، ئەو دێ دەست ب سەردا گرن.