گاڤ

سەرۆکێ هەرێما کوردستانێ و سەرۆکوەزیرێ بەرێ یێ بریتانیا دویماهیک پێشهاتێن دەڤەرێ و پێشبینیێن پاشەرۆژێ بەحسکرن.

سەرۆک نێچیرڤان بارزانى ل سەر تۆرا ئێکس دیارکر "خۆشحالبووم ئەڤرۆ ئێڤارى ل هەولێرێ من پێشوازى ل دوستێ گەلێ کوردستانێ و هەڤالێ خۆ بۆریس جۆنسۆن سەرۆکوەزیرێ بەرێ یێ بریتانیا کرى".

راگەهاند ژى "مە پێکڤە ل دۆر دویماهیک پێشهاتێن دەڤەرێ، ئالنگارى و پێشبینیێن پاشەرۆژێ بیروبۆچوون لێکگۆهارتن".

سەرۆکێ هەرێمێ و سەرۆکوەزیرێ بەرێ یێ بریتانیا د دەمەکێ دى دا ژ ئەڤرۆ دوشەمبیێ پشکدارى د کۆربەندێ مێپس دا ل دهۆکێ کربوون و گۆتارێن خۆ پێشکێشکربوون.