گاڤ

گه‌له‌ك فاكته‌ر وه‌كى هه‌بوونا فشاران و سترێسێ و گوهۆڕینێن هۆرمۆنى هه‌روه‌سا ستایلێ ژیانێ كارتێكرنێ ل سه‌ر گێولێ Mood یێ مرۆڤى دكه‌ت و دبنه‌ ئه‌گه‌رێ گوهۆڕینێن به‌رده‌وام د گێولێ مرۆڤى دا.

ل گۆره‌ى مالپه‌رێ Health Shots؛ خوارنا هه‌ڤسه‌نگ هه‌روه‌سا ئه‌نجامدانا چالاكیێن جه‌سته‌یى ژ بۆ باشتركرنا گێولێ مرۆڤى د هاریكارن.

ئا‌ڤنى كاول تایبه‌تمه‌ندا خۆراكى بۆ وى مالپه‌رى ئاماژه‌ ب شه‌ش جۆرێن فێقیان دده‌ت كو ژ بۆ باشتركرنا گێولێ مرۆڤى هه‌روه‌سا زێده‌كرنا كه‌یفخۆشیێ د هاریكارن.

ئه‌و شه‌ش جۆرێن فێقیان ل گۆره‌ى وێ تایبه‌تمه‌ندێ ئه‌ڤێن ل خوارێ نه‌:

1. باجانسۆرك: باجانسۆرك ب فێقى دهێته‌ هژمارتن و نه‌ك زه‌رزه‌وات، باجانسۆرك یا پڕه‌ ژ دژه‌ئۆكسانێن ب ناڤێ Lycopene و ژ بۆ باشتركرنا گێولى هاریكاره‌.

2. مۆز: مۆز ب فێقیه‌كێ دهێته‌ هژمارتن كو رۆله‌كێ مه‌زن د باشتركرنا گێولى دا هه‌یه‌، مۆزێ رۆله‌كێ گرنگ د پێكئینانا سیرۆتۆنینێ دا هه‌یه‌ كو گێولى مرۆڤى خۆش دكه‌ت.

3. تویشه‌مبى: تویشه‌مبی نه‌ ب تنێ تاما وێ یا خۆشه‌ به‌لكو یا پره‌ ژ دژه‌ئۆكسانان، هه‌روه‌سا ڤیتامین C یا د تویشه‌مبیان دا بۆ پێكئینانا دۆپامینێ هاریكاره‌ كو گێولێ مرۆڤى خۆش دكه‌ت.

4. پرته‌قال: پرته‌قال و مزره‌مه‌نیان رێژه‌یه‌كا مه‌زن یا ڤیتامین C تێدا هه‌یه‌ كو رۆل د پێكئینانا سیرۆتۆنینێ دا هه‌یه‌.

5. ئه‌ناناس: ئه‌ناناسێ رۆله‌كێ باش د خۆشكرنا گێولى دا هه‌یه‌ ئه‌و ژى ژ به‌ر هه‌بوونا ئه‌نزیمه‌كێ ب ناڤێ Bromelain تێدا كو ئاستێن سیرۆتۆنینێ باشتر دكه‌ت.

6. لیمۆن: لیمۆن یا پڕه‌ ژ ڤیتامینان و ئاڤێ و ئه‌و هه‌ردو گێولى خۆش دكه‌ن زێده‌بارى هه‌بوونا ڤیتامین C تێدا.