بایدنى وێنه‌یێ خۆ ل گه‌ل تیشكا لێزه‌رێ به‌لاڤكر.. په‌یوه‌ندیا تایلۆر سوێفت ب بابه‌تى ڤه چیه؟
بەلاڤ بکە
گاڤ
سه‌رۆكێ ئه‌مریكا وێنه‌یه‌كێ سه‌یر یێ خۆ ل سه‌ر تۆڕا ئێكس به‌لاڤكریه و تێدا وه‌سا دیار دبیت هه‌چكو تیشكا لێزه‌ر ژ چاڤێن وى ده‌ردكه‌ڤیت.
جۆ بایدن ئه‌و وێنه‌یێ خۆ به‌لاڤكریه و ل سه‌ر نڤیسیه "ب ته‌مامى وه‌كى مه پلان بۆ داناى" و مه‌ره‌ما وى ژ ڤێ رسته‌یێ بوویه جهێ بگروڤه‌كێشێ.
مالپه‌رێ سكاى نیوز عه‌ره‌بیه دیار دكه‌ت "هنده‌ك راپۆرتێن میدیایى و فه‌له‌وه‌رزێن پلاتفۆرمێن سۆشیال میدیایێ دیاركرن كو بایدنى ب رێكا وى وێنه‌ی ب گالته‌جارى به‌رسڤا هنده‌ك راپۆرتان ددا یێن كو ئاماژه داینه یاریپێكرنێ د ئه‌نجامێ یاریا دویماهیێ یا ’سوپه‌ر بول’ قاره‌مانیا ته‌پاپێى یا ئه‌مریكى دا".
په‌یوه‌ندیا دناڤبه‌را وێنه‌ى و یاریێ دا چیه و تایلۆر سوێفت هونه‌رمه‌ندا ناڤدار چ په‌یوه‌ندى ب بابه‌تى ڤه هه‌یه؟
- سه‌رۆكێ ئه‌مریكا پشتى ب دویماهیك هاتنا یاریا دویماهیێ یا سوپه‌ر بول دناڤبه‌را یانه‌یێن كنساس ستى چیفس و سان فرانسێسكۆ فۆرتى ناینه‌رز دا ئه‌و وێنه‌یه به‌لاڤكریه.
- یارى ب سه‌ركه‌فتنا كنساس ستى چیفس كو یاریكه‌ر تراڤس كێلسى هه‌ڤالێ نوكه یێ تایلۆر سوێفت یاریێ بۆ دكه‌ت ب دویماهیك هات.
- هنده‌ك راپۆرتێن میدیایى یێن ئه‌مریكى به‌رى نوكه ئاماژه دابوونه په‌یوه‌ندیه‌كێ دناڤبه‌را تایلۆر سوێفت و كارگێریا ئه‌مریكى دا.
- وان راپۆرتان دیاركربوون كو تایلۆر سوێفت بانگه‌شه‌یێ بۆ كارگێریا بایدنى به‌رى هه‌لبژارتنان دكه‌ت، ئه‌ڤ چه‌نده به‌رانبه‌ر وێ چه‌ندێ كو ئێكه‌تیا ته‌پاپێى یا ئه‌مریكى پشته‌ڤانیا وێ تیما خۆشتڤیێ تایلۆر سوێفت یاریێ بۆ دكه‌ت، بكه‌ت.
