یانهیهكێ خۆڤهكێشانا خۆ ژ یاریێن خۆلا ستێرێن ئیراقێ راگههاند
02/23/2024 - 21:37
بەلاڤ بکە
گاڤ
یانهیا قاسم راگههاند كو ئهو پشكداریێ د چ یاریێن خۆلا ستێرێن ئیراقێ دا ناكهت هندى سیستهمێ VAR و دادڤانێن وێ ههبن.
یانهیا قاسم ئهڤرۆ ئهینیێ د یاریا ل گهل جهویه دا ل خۆلهكا 35 وهك نهرازیبوون ل سهر بڕیارێن دادڤانى خۆ ژ یاریێ ڤهكێشابوو.
قاسم د بهیانهكێ دا ئاماژه ب وێ چهندێ كریه كو د یاریهكا بهرى نوكه دا ل گهل نهورۆز دادڤان پشتى بۆ سیستهمێ VAR ڤهگهڕیاى پێنالتیهكا نهدروست دابوو نهورۆز ههروهسا د یاریا ئهڤرۆ ل گهل جهویه ژى دا دادڤان پشتى ڤهگهڕیانێ بۆ سیستهمێ VAR پێنالتیهكا نهدروست دا جهویه.
كارگێریا یانهیێ راگههاند كو وان بڕیار دا چ یاریان د خۆلا ستێرێن ئیراقێ دا ئهنجامنهدهن هندى سیستهمێ VAR و دادڤانێن وێ ههبن و دێ ڤێ چهندێ ب رێكا نڤیسارهكا فهرمى گههینیته ئێكهتیا فوتبۆلێ یا ئیراقێ.