ده‌یلى مه‌یل: ئه‌پل ل به‌ره گوهۆڕینان د ئایفۆن 16ێ دا بكه‌ت
بەلاڤ بکە
گاڤ
رۆژنامه‌یه‌كا بریتانى ئه‌ڤرۆ دوشه‌مبیێ ئاشكرا كریه؛ ئه‌پل ل به‌ره هنده‌ك گوهۆڕینان بۆ باشتركرنێ د ئایفۆن 16 دا په‌یدا بكه‌ت.
ده‌یلى مه‌یل راگه‌هاندیه "حه‌زا گوهۆڕینێ د ئایفۆن 16 دا هات پشتى بێزاربوونا بكارهینه‌ران ژ گوهۆڕینا ره‌نگێ تیتانیۆمێ، ئه‌و مادده‌یا بۆ دروستكرنا ئایفۆن 15 هاتیه بكارئینان، ل ده‌مێ زه‌یتێن له‌شى و شوین تبلێن مرۆڤى دكه‌ڤنه سه‌ر".
ولته‌ر ناڤارینى ئه‌كادیمیست ژ زانكۆیا پۆلیته‌كنیك ل میلانۆ د ڤى بیاڤى دا دبێژیت "ئێك ژ ئاسته‌نگێن سه‌ره‌كى ل هه‌مبه‌ر بكارئینانا تیتانیۆمێ گوهۆڕینا ره‌نگێ وێ یه یا كو ژ كارتێكرنێن دوهنى یێن مادده‌یێن زه‌یتى ل سه‌ر روویێ وێ په‌یدا دبیت".
بكارهینه‌رێن ئه‌پل چاڤه‌رێى وان گوهۆڕینان دكه‌ن یێن دێ د ئایفۆن 16 دا هه‌بن كو چاڤه‌رێ دهێته كرن د هه‌یڤا سێپته‌مبه‌را بهێت دا زنجیره‌یا موبایلێن ئایفۆن 16 بهێته راگه‌هاندن.
ئایفۆن 15 ژى یا كو ل سالا 2023 هاتیه به‌رده‌ستكرن هنده‌ك گوهۆڕین ب هه‌ڤبه‌ركرن ل گه‌ل ڤێرژنێن به‌رى وێ تێدا هه‌بوون.