ئەڤسالە دێ هەمی گەنمێ جوتیاران هێتە کڕین

بەلاڤ بکە


گاڤ
جڤاتا وەزیرێن ئیراقێ بریاردا ئەڤسالە هەمی گەنمێ جوتیاران ب کڕیت و ل دەمەکێ نێزیک دێ پارەیێ گەنمی ب جوتیاران هێتە دان.
ل گۆرەی زانیارییان، د کۆمبوونا ئەڤرۆ یا جڤاتا وەزیرێن ئیراقێ دا رازیبوون ل سەر پێشنیازا وەزیرێ چاندنێ یێ ئیراقێ هاتەدان و دێ هەمی گەنمێ جوتیارێن ئیراق و هەرێما کوردستانێ، ئەو گەنمێ ژ دەرڤەیی پلانا چاندنێ ڤی وەرزی ژی هێتە کڕین، بهایێ گەنمی دی یێ ئێکگرتی بیت و بۆ هەر تەنەکێ 850 هزار دینار هاتینە تەرخانکرن.
ل سالا بۆری  وەزارەتا بازرگانییا ئیراقێ نێزیکی 5 ملیۆن و 200 هزار تەنێن گەنمێ جوتیاران وەرگرتبوو کو نێزیکی 500 هزار تەنان یێن جوتیارێن هەرێما کوردستانێ بوون. ل سالا 2022ێ ژی نێزیکی 300 هزار تەنێن گەنمێ جوتیارێن هەرێمێ وەرگرتبوون.
دهێتە پێشبینیکرن ئەڤسالە بەرهەمێ گەنمی یێ ئیراق و هەرێما کوردستانێ ب گەهیتە پتر ژ 6 ملیۆن تەنان و ئەڤە ژ پێدڤییا ناڤخۆ پترە.
 

More About

Related