گاڤ

بهایێ زێڕى د بازارێن جیهانى دا ل ئێڤارییا ئه‌ڤرۆ چارشه‌مبیێ گه‌هشته‌ بلندترین ئاست د دیرۆكێ دا و بهایێ هه‌ر ئۆنسه‌یه‌كێ گه‌هشته‌ پتر ژ 2295 دۆلاران.

پێشبینیێن ل دۆر سستكرنا جڤاتا یه‌ده‌ك یا فیدرالى یا ئه‌مریكى بۆ سیاسه‌تا نه‌ختینه‌یى و به‌رده‌وامییا گرژیێن جیۆسیاسى ل رۆژهه‌لاتا ناڤین بووینه‌ ئه‌گه‌رێ بلندبوونا بهایێ زێڕى.

چێكه‌رێن بڕیارێ د جڤاتا یه‌ده‌ك یا فیدرالى یا ئه‌مریكى دا (به‌نكا ناڤه‌ندى یا ئه‌مریكى) به‌رى نوكه‌ پێشبینى كربوون كو دێ یا به‌رئاقل بیت بهایێن قازانجێ ل ئه‌مریكا سێ جاران د ئه‌ڤ ساله‌ دا بهێنه‌ كێمكرن.

ئاژانسان به‌لاڤكرینه‌؛ بهایێ زێڕى د گڕێبه‌ستێن پاشئێخستى دا ب رێژه‌یا 0.6% بلند بوو و گه‌هشته‌ 2295.6 دۆلاران بۆ هه‌ر ئۆنسه‌یه‌كێ و ئه‌ڤه‌ نمره‌یه‌كا پیڤانكى یا نوى یه‌ بۆ بهایێ زێڕى.

هه‌ر ئه‌ڤرۆ د سه‌ره‌ده‌ریێن ده‌ملده‌ست دا، بهایێ زیڤێ ب رێژه‌یا 1.2% بلند بوو و بهایێ وێ گه‌هشته‌ 26.41 دۆلاران بۆ وه‌قییه‌كێ هه‌روه‌سا بهایێ پلاتینى ژى ب 0.8% بلند بوویه‌.