مفایێن ئاڤا خیارى بۆ كێمكرنا كێشا له‌شى

بەلاڤ بکە

 

 

گاڤ

گه‌له‌ك كه‌س ل رێكێن كێمكرنا كێشا له‌شى دگه‌ڕن و ڤه‌خوارنا ئاڤا خیاران ئێك ژ وان رێكایه‌ هه‌روه‌سا خیار بۆ وه‌رزێ هاڤینێ ته‌ڕاتییا له‌شى دپارێزیت.

د راپۆرته‌كا مالپه‌رێ Times of India دا هاتیه‌؛ خیارى رێژه‌یه‌كا مه‌زن یا ئاڤێ تێدایه‌ و له‌شێ مرۆڤى ژ هشكاتییێ دپارێزیت هه‌روه‌سا ئاڤا خیارى ڤه‌خوارنه‌كا كێم كالۆرى یه‌ و بۆ كێمكرنا كێشا له‌شى هاریكاره‌.

ئاڤا خیارى بۆ باشتركرنا كریارا هه‌رسكرنێ، نه‌هێلانا ژه‌هران د له‌شى دا و كونترۆلكرنا حه‌زا خوارنێ هاریكاره‌، وى مالپه‌رى خۆیا ژى كریه‌ "ڤه‌خوارنا ئاڤا خیارى ل درێژییا رۆژێ هاریكاره‌ دا كو مرۆڤ گه‌له‌ك خوارنێ نه‌خۆت چونكى رێژه‌یه‌كا مه‌زن ژ فایبه‌ران و ئاڤێ د خیاران دا هه‌یه‌ و هه‌ستێ تێربوونێ دده‌ته‌ مرۆڤى دناڤبه‌را دانێن خوارنێ دا و ده‌لیڤه‌یا خوارنا خوارنێن نه‌ساخله‌م كێم دكه‌ت".

راپۆرتێ دیار ژى كریه‌؛ د شیان دایه‌ نه‌عناع و لیمۆن ژى ل گه‌ل ئاڤا خیاران بهێنه‌ تێكه‌لكرن، هه‌روه‌سا خیار ب خۆ ژى بۆ كێمكرنا كێشا له‌شى ب مفایه‌ و د زه‌لاته‌یان و سه‌نده‌ویچان دا دهێته‌ دانان هه‌روه‌سا ب تنێ ژى دهێته‌ خوارن.

 

 

 

 

More About

Related