وه‌زاره‌تا ساخله‌مییێ هۆشدارییێ ژ نه‌خۆشییا سۆركان دده‌ت

بەلاڤ بکە

 

 

گاڤ

وه‌زاره‌تا ساخله‌مییێ یا هه‌رێما كوردستانێ راگه‌هاند؛ نه‌خۆشییا سۆركان ب له‌ز به‌لاڤ دبیت، ئه‌گه‌ر كه‌سه‌كێ تووشبوویى هه‌بیت، ژ 10 كه‌سێن ده‌وروبه‌رێ وى 9 كه‌س دێ تووش بن ئه‌گه‌ر ڤاكسین نه‌دانابن.

وه‌زاره‌تا ساخله‌مییێ ژ رێكخراوا ساخله‌مییێ یا جیهانى ڤه‌گوهاستیه‌ "سۆرك ڤایرۆسه‌كه‌ گه‌له‌ك ب ساناهى دهێته‌ ڤه‌گوهاستن و ل سه‌ر ئاستێ جیهانێ ئێكه‌ ژ ئه‌گه‌رێن سه‌ره‌كى یێن مرنا زارۆكان كو ب رێكا بێهنشكێ یان كۆخكێ ژ كه‌سێ تووشبوویى بۆ كه‌سه‌كێ دى دهێته‌ ڤه‌گوهاستن".

ل دۆر نیشانێن نه‌خۆشییێ دیار دكه‌ت "نیشانێن ده‌ستپێكى یێن نه‌خۆشییێ پشتى 10 تا 12 رۆژان پشتى تووشبوونێ ده‌ردكه‌ڤن و پێكدهێن ژ تایه‌كا بلند، ئاڤا دفنێ، سۆربوونا چاڤان و نیشانێن سپى یێن بچویك دناڤ ده‌ڤى دا، پشتى چه‌ند رۆژان نیشانێن سۆر ل سه‌ر سه‌روچاڤان و ملان چێدبن و هێدى هێدى به‌ره‌ڤ به‌شێ خوارێ یێ له‌شى به‌لاڤ دبن".

وه‌زاره‌تێ داخواز كریه‌ زارۆك ب رێكوپێكى ڤاكسینان وه‌ربگرن دا كو ژ نه‌خۆشییێ بهێنه‌ پاراستن.

 

More About

Related