پارێزه‌رێ مه‌سروور بارزانى بۆ گاڤ: دادگه‌ها فیدرال روینشتنا ل سه‌ر سكالایا مه‌سروور بارزانى بۆ سێ شه‌مبێ پاشخستیه‌

بەلاڤ بکە

گاڤ

پارێزه‌رێ مه‌سروور بارزانى بۆ گاڤ:

دادگه‌ها فیدرال روینشتنا ل سه‌ر سكالایا مه‌سروور بارزانى بۆ سێ شه‌مبێ پاشخستیه‌، ئه‌گه‌ر ژى بۆ نه‌ئاماده‌بوونا دو دادوه‌ران ڤه‌گه‌ڕاندن.

بڕیار بوو ئه‌ڤرۆ ئێكشه‌مبێ دادگه‌ها فیدرال ل سه‌ر سكالایا مه‌سروور بارزانى، سه‌رۆكێ حكومه‌تا هه‌رێما كوردستانێ كۆمبیت، سكالا ل دژى دابه‌شكرنا كوڕسیێن په‌ڕله‌مانى و نه‌هێلانا كورسیێن كۆتایان هاتبوو تۆماركرن.

پارێزه‌رێ مه‌سروور بارزانى، ئه‌یاد كاكه‌ى بۆ گاڤ گۆت: ژبه‌ر نه‌ئاماده‌بوونا دو دادوه‌رێن دادگه‌هێ كۆمبوون بۆ رۆژا سێشه‌مبێ 21-5-2024ێ هاتییه‌ پاشخستن.

مه‌سروور بارزانى 6ى ڤێ مه‌هێ سكالا تۆماركریه‌ و داخوازكریه‌ دادگه‌هـ مادده‌یێ دووێ یێ سیسته‌مێ تۆماركرنا لیستا به‌ربژێران و په‌سه‌ندكرن بۆ هه‌لبژارتنێن په‌ڕله‌مانێ كوردستانێ یا ژماره‌ 7 یا سالا 2024ێ ب نه‌ده‌ستوورى بزانیت.

مادده‌یێ دووێ چى یه‌؟

ئێك:

هه‌رێما كوردستانا ئیراێ دێ بیته‌ چار بازنه‌یێن هه‌لبژارتنان هه‌ولێر – دهۆك – سلێمانى و هه‌لبجه‌.

دو:

په‌رله‌مانێ كوردستانێ ژ 100 كورسییان پێكدهێت و ب سه‌ر چار بازنه‌یان دا دابه‌ش دكه‌ت:

  1. پارێزگه‌ها هه‌ولێرێ 34 كوڕسى
  2. پارێزگه‌ها سلێمانیێ 38 كوڕسى
  3. پارێزگه‌ها دهۆكێ 25 كوڕسى
  4. پارێزگه‌ها هه‌لبجه‌ 3 كوڕسى

سكالاكار د سكالایا خۆ دا دبێژیت: د وى سیسته‌مى دا بنپێكارییا ده‌ستوورى هه‌یه‌، ژبلى بۆ به‌لاڤكرنا كوڕسیێن په‌ڕله‌مانێ كوردستانێ پشت ب ژماره‌یا ده‌نگده‌ران نه‌وه‌ك ژماره‌یا ئاكنجییان به‌ستییه‌، ئاماژه‌ ب هندێ ژى كریه‌ كو نه‌هێلانا كورسییا كۆتایان ژى دژى چه‌ندین بڕگه‌یێن ده‌ستوورى یه‌.

More About

Related