بۆ جارا ئێكێ نیشاندانه‌كا جلكێن ژنان ل سعوودیێ هاته‌ گێڕان

بەلاڤ بکە

گاڤ

بۆ جارا ئێكێ ل سعوودیێ نیشاندانه‌كا جلكێن ژنان ل كه‌نارێن ده‌ریایێ هاته‌ گێڕان، ئه‌ڤ یه‌كه‌ وه‌ك پێشهاته‌كا نوى ل سه‌رانسه‌رى راگه‌هاندنا جیهانێ ده‌نگ ڤه‌دا.

ل كه‌نارێن ده‌ریایێ ل وه‌لاتێ سعوودیێ حه‌فتیا فاشنا ده‌ریایا سۆر هاته‌ ب رێڤه‌برن، تێدا نیشاندانا جلكێن ژنان هه‌بوو، ژن ب جلكێن نیڤ رویس جلك نیشاندان، ئه‌ڤێ یه‌كێ ره‌نگڤه‌دانه‌كا جودا ل سه‌رانسه‌رى وه‌لاتێن جیهانێ په‌یداكر.

دیزاینه‌ر یاسمه‌ن قنزل ب ره‌گه‌ز مه‌غربى یه، ئه‌و دبێژیت: راسته‌ سعوودیه‌ وه‌لاته‌كێ پارێزگاره‌، به‌لێ جلكێن ره‌سه‌ن یێن مه‌له‌ڤانییان هاتینه‌ نیشاندان، كو ره‌نگڤه‌دانا جیهانا عه‌ره‌بى بیت.

محه‌مه‌د بن سەلمان بریار دایه‌ د چارچۆڤێ ڤه‌كرنا وه‌لاتێ خۆ بۆ جیهانێ گوهۆڕینان د هنده‌ك قانوونان دا بكه‌ت و ئازادییه‌كا زێده‌تر ب وه‌لاتیان بده‌ت، ئه‌ڤه‌ هه‌ر وه‌ك گه‌له‌ك ژ رۆژنامه‌ و كۆڤاران ل جیهانێ به‌لاڤكرى.

More About

Related