گاڤ

پتری 24 دەمژمێران ژ رویدانا کەفتنا هەلیکۆپتەرا سەرۆککۆمارێ ئیرانێ و دەربازبوون و پتری 15 دەمژمێران ژی ل سەر راگەهاندنا نووچەیێ ژیان ژ دەستدانا وی و وەزیرێ دەرڤە و هەڤالێن ل گەل دەربازبوون، لێ هێشتا وەلاتێن زلهێز یێن رۆژئاڤا چ پەیام بەلاڤ نەکرینە.

ئەڤرۆ بتنێ وەلاتێن هەڤپەیمان و جیرانێن ئیرانێ پەیامێن سەرەخۆشییێ بۆ ئیرانێ بەلاڤکرینە، لێ بەروڤاژی وەلاتێن زلهێز یێن مینا ئەمریکا، بریتانیا، ئەلمانیا و فرەنسا هێشتا چ پەیام بەلاڤنەکرینە.

دوهی ئێڤاری پشتی ڤەکرنا بەنداڤەکێ ل سەر سنۆرێ ئازەربایجانێ، ئیبراهیم رەئیسی، سەرۆککۆمارێ ئیرانێ، محەمەد حسێن عەبدوللەهیان، وەزیرێ دەرڤە ل گەل پارێزگارێ تەبرێزێ و ئیمامێ مزگەفتا وێ پارێزگەهێ ب ئێک هەلیکۆپتەر ژ وێ دەڤەرێ دەرکەفتن، لێ د رێکێ دا هەلیکپتەران وان کەفت و پشتی پتری 15 دەمژمێران ژ لێگەریانێ شیان ب گەهنە جهێ کەفتنێ.