گاڤ

سه‌عدى ئه‌حمه‌د پیره‌، په‌یڤدراێ ئێكه‌تییا نیشتمانییا كوردستانێ راگه‌هاند، وه‌كو ئێكه‌تى دگه‌ل بڕیارا ئه‌ڤرۆ یا دگه‌ها فیدرالن ل دۆر ڤه‌گه‌ڕاندنا كورسیێن كۆتا و خواست ژى سه‌رۆكاتییا هه‌رێمێ دگه‌ل هه‌موو ئالییان كۆمببیت ل دۆر پرسا هه‌لبژارتنان.

ل رۆژا 21 شوباتا ئه‌ڤ ساله‌ دادگه‌ها فیدرال یا ئیراقێ 11 كورسیێن كۆتا ل په‌ڕله‌مانێ كوردستانێ هه‌لوه‌شاندن و هژمارا كورسیێن په‌ڕله‌مانى بۆ 100 كورسییان كێمكرن، هه‌رێما كوردستانێ ژى بۆ 4 بازنه‌یێن هه‌لبژارتنان لێكڤه‌كر. لێ ده‌سته‌یا دادوه‌رییا هه‌لبژارتنان ژ وان 100 كورسیان 5 كۆرسى بۆ كۆتایان دیاركرن.

سه‌عدى پیره‌ى د داخۆیانییه‌كێ دا بۆ كه‌نالێن حزبا خۆ گۆت: ئه‌و دگه‌ل وێ ئێكێنه‌ هه‌مى ئالیێن سیاسى ل دۆر پرسا هه‌لبژارتنان دگه‌ل سه‌رۆكێ هه‌رێما كوردستانێ كۆمببن. گۆت ژى وه‌كو ئێكه‌تى ئه‌و ب باش دزانن هندى زوی‌ هه‌لبژارتن بهێنه‌ كرن باشتره‌ بۆ چاره‌سه‌ركرنا قه‌یرانان.

ل گۆره‌ى نڤیساره‌كا ده‌سته‌یا دادوه‌ریا هه‌لبژارتنان ل جڤاتا بلندا دادوه‌رییا ئیراقێ ژ 100 كورسیێن په‌ڕله‌مانێ كوردستانێ 5 كورسى دێ بۆ پێكهاته‌یان بن ب ره‌نگه‌كى 2 كورسى بۆ پارێزگه‌ها سلێمانیێ 2 كورسى بۆ هه‌ولێرێ كورسییه‌ك ژى بۆ دهۆكێ.