بۆ ئێكه‌م جار ڤاكسینه‌ك دژى په‌نجه‌شێرێ ل بریتانیا دهێته‌ تاقیكرن

بەلاڤ بکە

هیڤییه‌ك بۆ ملیۆنان كه‌سێن توشبووى

بۆ ئێكه‌م جار ڤاكسینه‌ك دژى په‌نجه‌شێرێ ل بریتانیا دهێته‌ تاقیكرن

گاڤ

ناڤه‌ندا خزمه‌تكاریێن ساخله‌مییا نیشتیمانى NHS  ل بریتانیا راگه‌هاند، بۆ ئێكه‌م جار ڤاكسینه‌كا دژى په‌نجه‌شێرێ ل بریتانیا لسه‌ر زه‌لامه‌كێ 55 سالى هاته‌ تاقیكرن، ل گۆره‌ى وێ ناڤه‌ندێ سه‌ركه‌فتنا ڤاكسینێ دێ بیته‌ هیڤییه‌ك بۆ ملیۆنان توشبوویێن په‌نجه‌شێرێ ل سه‌رانسه‌رى دونیایێ.

ناڤه‌ندا NHS  دا زانین، هه‌مان ته‌كنیكا سه‌رده‌م بۆ دورستكرنا وێ ڤاكسینێ هاتیه‌ بكارئینان و ب هه‌ڤپشكى ژ لایێ هه‌ر ئێك ژ كۆمپانیێن بایۆنتێک و جینیتێک هاتییه‌ به‌رهه‌مئینان.

پرۆفیسۆر پیتەر جۆنسن، رێڤه‌به‌رێ كلینیكا نیشتیمانى بۆ په‌نجه‌شێرێ NHS دبێژیت، گه‌له‌ك جاران پشتى نشته‌گه‌ریێن بنبڕكرنا په‌نجه‌شێرێ سه‌ ژنوى سه‌رهل دده‌ن، ئه‌ڤ ڤاكسینه‌ دبیت رێگریێ ل دوباره‌ سه‌رهلدانا وان خانه‌یان بگریت.

دکتۆر ڤیکتۆریا کونێنێ، پسپۆرا نەخۆشیێن په‌نجه‌شێرێ و لێكۆله‌را سه‌ره‌كییا تاقیكرنێ دبێژیت، ڤاكسین ب ره‌نگه‌كى هاتینه‌ دورستككرن كو كو پێكهاته‌یا خانه‌یێن په‌نجه‌شێرى یێن كه‌سى دوباره‌ هاتینه‌ بكارئینان داكو خانه‌یێن له‌شى بنیاسن و رێگریێ ل دوباره‌ دورستبوونا وان بگرن.

دکتۆر ڤیکتۆریا کونێنێ  گۆت ژى، چاڤه‌رێ یه‌ ل سالا بهێت خۆبه‌خشێن تاقیكرنێ بگه‌هنه‌ هزاران كه‌سان و ئه‌ڤ ڤاكسینا كه‌سى دێ بیته‌ هیڤییه‌ك بۆ ملیۆنان توشبوویێن په‌نجه‌شێرێ.

 

 

More About

Related