گاڤ

جڤاتا دەستووری یا ئیرانێ پتریا بەربژارێن سەرۆکاتییێ رەت کرن و راگەهاند: بتنێ 6 بەربژاران مەرجێن دەستووری تێدا هەبوون.

جڤاتا دەستووری یا ئیرانێ راگەهاند: بتنێ 6 کەسێن ناڤێن خۆ بۆ بەربژاربوونێ بۆ هەلبژارتنێن سەرۆکاتییا کۆمارا ئیسلامی تۆمارکرین، مەرجێ دەستووری تێدا هەنە و ئەو بتنێ دێ بنە بەربژارێن فەرمی.

ئەو شەش کەس ئەڤێن ل خوارێ نە:

1. مەسعوود پزیشکییان
2. مستەفا پۆر محەمەدی
3. سەعید جەلیلی
4. عەلی رزا زاکانی
5. ئەمیر حسێن قازی زادە هاشمی
6. محەمەد باقر قالیباف

ژ ڤان بەربژارێن پەسەندکری، محەمەد باقر قالیباف، سەرۆکێ نوکە یێ پەڕلەمانێ ئیرانێ ژ بهێزترین بەربژارانە.

بریارە ل 28ی ڤێ مەهێ هەلبژارتنێن سەرۆکاتییا ئیرانێ بهێنە کرن و هەرچەندە پێشتر مەحموود ئەحمەدی نەجات، سەرۆکێ پێشتر یێ ئیرانێ خۆ بەربژار کربوو، لێ لژنەیا دەستووری ناڤێ وی ژ لیستا بەربژاران دەرخست.