گاڤ

وەزارەتا ناڤخۆ یا تورکیا راگەهاند، بەلەمەکا کۆچبەران ئەڤرۆ د دەریا ئیجەدا نقومبوو، حەفت کۆچبەران تێدا ژیانا خۆ ژدەستدا.

ل گۆرەی راگەهاندنەکا وەزارەتا ناڤخۆیا تورکیا، ئەڤرۆ دەمژمێر 10:47خۆلەک بەلەمەکا کۆچبەران ل نێزیک باژارکێ چەشمە یێ سەر ب پاڕێزگەها ئزمیرێ ڤە دەریا ئیجە د نقومبوو بێ کو ناسنامەیا وان ئاشکرا بکەت.

 وەزارەتا ناڤخۆ یا تورکیا راگەهاند، 27 کۆچبەرا د وێ بەلەمێ دا بوون و د خواست خو بگەهینن سنۆرێ یۆنانێ، 19 کۆچبەر هاتینە رزگار کرن، 7 کۆچبەران ژیانا خۆ ژ دەستدایە و کۆچبەرەک ژی بێسەروشینە.