گاڤ

میدیایا ئسپانی راگەهاند؛ یانەیا ریال مەدرید ل بەرە ب ئاوایەکی سەیر و نە پێشبینیکری، ل دویماهیا مێرکاتویا هاڤینێ هەمیان گۆمان بێخیت ستێرەکا دیار ڤەگۆهێزیت.

ل گۆرەی تۆرا ریلیڤۆ یا ئسپانی، هەر چەندە یانەیا ریال مەدرید بەحس ل وێ یەکێ دکەت کو مێرکاتویا ڤێ هاڤینێ بۆ ئەوان ب دویماهی هاتییە تایبەت پشتی گۆتنێن راهێنەر کارلۆ ئەنشلۆتی، لێ راستی بەرۆڤاژی یە یانەیێ پلانەک هەیە ل دویماهیا مێرکاتویێ گرێبەستەکا گرنگ رابگەهینیت.

ژێدەری ئاماژە دایە، تا نها یانەیا مەلەکی هزر د کرینا ئەلفۆنسۆ دەیڤێز یاریزانێ کەنەدی و یانەیا بایرن میۆنخ دا دکەت و بەرهەڤە ل دویماهییا مێرکاتویێ گرێبەستەکێ پێشکێش بکەت.

گرێبەستا دەیڤیزی پشتی دەهـ مەهێن دی ل گەل یانەیا وی دێ ب دویماهی هێت، نها ئەو رازینینە گرێبەستا خۆ نوی بکەت، ب ڤێ یەکێ یانەیا ریال مەدرید گڤاشان ل یانەیا باڤاری دکەت کو دەستان ژ یاریزانی بەردەت گەر نە یاریزان ل داوییا وەرزێ بهێت دێ بیتە یاریزانەکی ئازاد د بازارێ ڤەگۆهاستنێ دا.