گاڤ

شانەیا راگەهاندنا ئەمنی یا ئیراقێ زانیاری لدۆر هێرشا شڤێدی لسەر سەربازگەها عەین ئەسەد بەلاڤکرن و راگەهاند؛ هێرش ب دو مۆشەکان و لسەر ترۆمبێلەکا کەیا هاتیە کرن.

شانەیا راگەهاندنا ئەمنی یا ئیراقێ ئەڤرۆ د بەیانەکێ دا لدۆر هێرشا شڤێدی یا لسەر سەربازگەها عەین ئەسەد هاتییە کرن بەلاڤکر؛ شڤێدی ل دەمژمێر 9:00 دەستدرێژییەک لسەر بنگەهێ ئاسمانی یێ عەین ئەسەد هاتە کرن کو ژمارەکا شیرەتکارەێن هەڤپەیمانیا نێڤدەولەتی تێدا هەنە، هێرش ب دو مۆشەکان و لسەر ترۆمبێلەکا کەیا هاتیە کرن ل ناڤا قەزایا حەدیسە.

لگۆرەی راگەهاندنا وان، هێزێن ئەمنی دەست ب سەر ترومبێلەکا بارهەلگر ژ جورێ کەیا دا گرت ژبلی ئەو مۆشەکێن هاتینە هاڤێتن هەشت مۆشەکێن دی لسەر بوون بۆ هێرشێ هاتبوونە بەرهەڤکرن لێ ژ ئالییێ وان ڤە هاتنە ژناڤبرن.

شانەیا راگەهاندنا ئەمنی ئاماژێ ب سەروەری و سەربەخۆیا ئیراقێ دکەت و دبێژیت هەمی دەستدرێژی چ ل ناڤا ئیراقێ یان ژدەرڤە بن لسەر ئاخا ئیراقێ و بەرژەوەندیێن وێ ژ هەرلایەکی بهێت رەتدکەن کو ببنە ئەگەر بنگەهێن هەڤپەیمانان ببنە ئارمانج و ئیراقێ بکێشنە ناڤا کێشەیان و ئالوزیان ل ناڤچەیێ دروست دکەن.