پەرلەمانێ ئیراقێ دێ خواندنا ئێکێ بۆ چەندین پرۆژە و پێشنیازە یاسایان کەت
08/07/2024 - 13:29
بەلاڤ بکە
گاڤ
ئەڤرۆ پەرلەمانێ ئیراقێ دێ کۆم بیت و خواندن و دەنگدانێ بۆ شەش پرۆژە و پێشنیازە یاسایان کەت.
ل گۆرەی کارنامەیا پەرلەمانێ ئیراقێ، د روینشتنا ئەڤرۆ دا دێ دەنگدان ل سەر پرۆژەیاسایا خواندنا ل زانکۆیێن تایبەت هێتە کرن و دێ خواندن بۆ پرۆژەیاسایێن راستڤەکرنا ئێکێ یا یاسایا باژێرکێن پیشەسازی و راستڤەکرنا ئێکێ ژ یاسایا دانڤیسان هێتە کرن.
هەر د روینشتنا ئەڤرۆ دا، پەرلەمانێ ئیراقێ دێ دانوستاندنێ و خواندنا دویێ بۆ پرۆژەیاسایا راستڤەکرنا ئێکێ یا سازییا شەهیدان یا سالا 2016ێ کەت و خواندنا ئێکێ بۆ پێشنیازەیاسایێن راستڤەکرنا ئێکێ ژ یاسایا سەندیکا دەرمانسازان و راستڤەکرنا ئێکێ ژ یاسایا جڤاتا نوینەرێن ئیراقێ کەت.