گاڤ
سه‌ر ژنوى به‌ربه‌لاڤبوونا نه‌خۆشییا خوریكا مه‌یمینكان جیهان ئێخستییه‌ د مه‌ترسیێ دا و رێكخراوا ساخله‌مییا جیهانى ژى هوشدارییێ دده‌ت.
جهێ په‌یدابوونا نه‌خۆشییا خوریكا مه‌یمینكان كێشوه‌رێ ئه‌فریقیایه‌ و ژ نیشانێن وێ ژى (تا، دلرابوون، خۆهدان، خوریان و سۆربونا پیستى و ئێشانا ماسۆلكه‌یانه‌).
رێڤه‌به‌رێ گشتیێ رێكخراوا ساخله‌مییا جیهانى تێدرۆس ئه‌دهانۆم راگه‌هاند: نه‌خۆشیا (خوریكا مه‌یمینكان) وه‌لاتێ كۆنگۆییا دیموكراتى ده‌ربازكرییه‌ و بله‌ز كێشوه‌رێ ئه‌فریقیا ڤه‌دگریت.
ژبه‌ر به‌لاڤبوونا وێ نه‌خۆشییێ ژى رێكخراوا ساخله‌مییا جیهانى كۆمبوونه‌كا بله‌ز كر و راگه‌هاند: خوریكا مه‌یمینكان گه‌فه‌كا مه‌زن و خه‌مه‌كا جیهانى یه‌ و پێدڤیه‌ پێرابوونێن بله‌ز بهێنه‌ وه‌رگرتن بۆ چه‌وانیا رێگریكرنێ ل به‌لاڤبوونا وێ په‌تایێ.