دوو سەنتەرێن پەنجەشێرێ و مەژى دێ ل پارێزگەها دهۆکێ هێنە ڤەکرن
بەلاڤ بکە
گاڤ - تایبەت
ل پارێزگه‌ها دهۆكێ دوو سه‌نته‌رێن تایبه‌ت ب چاره‌سه‌رییا په‌نجه‌شێرێ و مەژى ڤە دهێنه ڤه‌كرن و رێڤه‌به‌رێ ساخله‌میا دهۆكێ بۆ گاڤ به‌حسێ ڤان پرۆژه‌یان دكه‌ت.
د. ئه‌ڤراسیاب مووسا، رێڤه‌به‌رێ گشتى یێ ساخله‌مییا پارێزگەها دهۆكێ بۆ گاڤ راگه‌هاند: نوكه پرۆژه‌یێ سه‌نته‌رێ چاره‌سه‌رییا په‌نجه‌شێرێ ب رێكا تیشكان د قۆناغا جێبه‌جێكرنێ دایە، كۆژمێ پترى شازده ملیار دیناران بۆ هاتییە دابینکرن و تا سالەکا دى پرۆژە دێ تەمام بیت، سه‌نته‌رێ دووێ ژى تایبه‌ته ب چاندنا مه‌ژیێ هه‌ستى و دێ ل دویماهیا ئه‌ڤ ساله هێته ڤه‌كرن.
رێڤه‌به‌رێ ساخله‌میا دهۆكێ دا دیاركرن ژى گرنگیا ئه‌ڤان سه‌نته‌ران ئه‌وه ئێدى وه‌لاتییێن پارێزگه‌ها دهۆكێ ب مه‌ره‌ما چاره‌سه‌رییێ ناچنه ده‌رڤه‌ى وه‌لاتى، به‌لكو دێ چاره‌سه‌رییا خۆ ل پارێزگەها خۆ وه‌رگرن و دێ وان شیانیێن هندێ ژى هه‌بن نه‌ساخێن ده‌رڤه‌یی وەلاتى ژى وه‌ربگرن.
د. ئه‌ڤراسیابى دیاركر: سالانه حكومه‌تا هه‌رێمێ 3.6 ملیار دینار كو دبیته 23% ژ بودجه‌یا وه‌زاره‌تا ساخله‌میا هه‌رێمێ بۆ نه‌خۆشێن په‌نجه‌شێرێ ته‌رخان دكه‌ت.