گاڤ - تایبەت
ل گۆره‌ى راپۆرته‌كێ ل هه‌رێما كوردستانێ %90 سونەتکرنا کچان كێم بوویه‌ و سه‌رۆكێ رێكخراوه‌كا گه‌نجان رێژه‌ییا وێ ل پارێزگەها دهۆكێ بۆ گاڤ دیاردكه‌ت.
د. شێرزاد پیرمووسا، سه‌رۆكێ رێكخراوا ئه‌لند یا دیموكراسیكرنا گه‌نجان راگه‌هاند: ل گۆره‌ى راپۆرته‌كا ئه‌نجوومه‌نێ ئافره‌تان تا سالا 2021 ب رێژه‌ییا %90 سونەتکرنا کچان ل هه‌رێمێ ‌كێمبوویه‌ و ل دهۆكێ سه‌دێ سفره‌ واته‌ سونەتکرنا کچان نینه‌. 
پیرمووسا دیاردكه‌ت: ل سالێن بورى رێژه‌یا خه‌ته‌نه‌كرنێ ل دهۆكێ %4 بوو لێ دڤان سالان دا خه‌ته‌نه‌‌كرن ب ئێكجارى نه‌ماییه و د نها دا ژ سه‌دێ سفره‌. 
سه‌رۆكێ رێكخراوێ دبێژیت: دیارده‌یا خه‌ته‌نه‌‌كرنێ ل باكور و رۆژئاڤایێن كوردستانێ ب ئێكجارى نینه‌، لێ رۆژهه‌لاتێ كوردستانێ هه‌یه‌ و ژبه‌ركو پارێزگه‌هێن هه‌ولێر و سلێمانیێ هه‌ڤسنۆرن دگه‌ل رۆژهه‌لاتێ كوردستانێ ل وان هه‌ردو پارێزگه‌هان ژى مایه‌.