گاڤ

حکومەتا هەرێما کوردستانێ راگەهاند؛ هندەک بەرهەمێن ناڤخۆ یێن هەرێمێ وەک پتات دێ بۆ ئوردنێ هێنە هنارتن.

ل گۆرەی راگەهاندنەکا حکومەتا هەرێما کوردستانێ، مەسروور بارزانی سەرۆکوەزیرێ هەرێما کوردستانێ ئەڤرۆ ل گەل خالد مووسا ئەلحنێفات، وەزیرێ چاندنێ یێ ئوردنی کومبوو و د کۆمبوونێ دا پێشڤەبرنا هاریکارییا هەماهەنگییا د وارێن لهەڤگوهارتنا بازرگانی، چاندن،پێشەسازی و بازارێن بەرهەمێن چاندنێ د ناڤبەرا هەر دو ئالییان دا هاتە بەحس کرن.

دا زانین ژی: یاداشتنامەیەکا لێکتێگەهشتنێ د ناڤبەرا وەزارەتا چاندنا هەرێمێ و وەزارەتا چاندنا ئوردنێ دا هاتە ئیمزاکرن و بریارە د ئیکەم گاڤ دا ئوردن هندەک بەرهەمێن ناڤخۆ یێن هەرێمێ وەک پتات هاوەردە بکەت.