سه‌رۆك بارزانى: باشترین رێك بۆ چاره‌سه‌ركرنا پرسا كوردستانێ دیالۆگ و چاره‌یا ئاشتیانه‌یه
بەلاڤ بکە
گاڤ
سه‌رۆك بارزانى و سه‌رۆكێ گشتى یێ هودا پارێ لسه‌ر ره‌وشا سیاسییا ده‌ڤه‌رێ و داوى پێشهاتان ئاخفتن، هه‌ڤده‌م رۆناهى خسته سه‌ر خه‌باتا سڤیل بۆ خزمه‌تكرنا گه‌لێن تركیا و په‌یوه‌ندیێن نێڤبه‌را پارتى و هوداپارێ.
ئه‌ڤرۆ ل سه‌لاحه‌دین سه‌رۆك مه‌سعوود بارزانى پێشه‌وازى ل شانده‌كێ بلند یێ هودا پارێ ب سه‌رۆكاتییا زه‌كه‌ریا یاپیچیئۆغلۆ سه‌رۆكێ گشتى یێ وێ حزبێ كر.
ل گۆره‌ى باره‌گه‌هێ بارزانى، د دیدارێ دا ئاخفتن لسه‌ر ره‌وشا سیاسییا ده‌ڤه‌رێ و دویماهى پێشهاتان هاته كرن، هه‌روه‌سا باس ل خه‌باتا سڤیل بۆ خزمه‌تكرنا گه‌لێ تركیا و په‌یوه‌ندیێن د ناڤبه‌را پارتى و هودا پارێ دا هاته كرن و رژدى ل پێشڤه‌برنا وان په‌یوه‌ندییان هاته كرن.
د دیدارێ دا سه‌رۆكێ گشتى یێ هودا پارێ سپاسییا رۆلێ سه‌رۆك بارزانى كر د پێشخستنا دۆزا كوردى دا و خۆشحالییا خۆ ژى ب پێشڤه‌برنا په‌یوه‌ندیێن دو قۆلى نیشاندا.
ژ ئالیێ خۆڤه سه‌رۆك بارزانى سه‌ربارى باسكرنا خه‌باتا دیرۆكییا گه‌لێ كورد، دیاركر ژى، باشترین رێك بۆ چاره‌سه‌ركرنا پرسا كوردستانێ شێوازێ لێكتێگه‌هشتن و هه‌ڤقه‌بوولكرنێ و دیالۆگ و چاره‌یا ئاشتیانه‌یه.