ئه‌ردۆغان: نه‌ته‌نیاهۆ مه‌ترسییه لسه‌ر ده‌ڤه‌رێ و هه‌مى جیهانێ
بەلاڤ بکە
گاڤ
سه‌رۆك كۆمارێ تركیا راگه‌هاند، دڤێت بكوژێن خه‌لكێ غه‌زه بهێنه دادگه‌هكرن، گۆت ژى، بنیامێن نه‌ته‌نیاهۆ مه‌ترسییه لسه‌ر ده‌ڤه‌رێ و جیهانێ.
سه‌رۆك كۆمارێ تركیا ره‌جه‌ب ته‌یب ئه‌ردۆغان د كۆنگره‌یه‌كێ رۆژنامه‌ڤانیێ هه‌ڤپشك دا دگه‌ل سه‌رۆك كۆمارێ مسرێ عه‌بدولفتاح سیسى ل ئه‌نقه‌ره‌یا پایته‌خت راگه‌هاند، تا نها 41 هزار كه‌س ل غه‌زه هاتینه كوشتن و گۆت، دڤێت بكوژێن خه‌لكێ غه‌زه بهێنه دادگه‌هكرن، هه‌روه‌سا سه‌رۆكوه‌زیرێ ئسرائیلێ بنیامێن نه‌ته‌نیاهۆ ب مه‌ترسى لسه‌ر ده‌ڤه‌رێ و جیهانێ دا زانین.
ژئالیێ خۆڤه سه‌رۆك كۆمارێ مسرێ عه‌بدولفه‌تاح سیسى راگه‌هاند، ئه‌و دێ په‌یوه‌ندێن خۆ دگه‌ل تركیا رێكئێخن و ب دامه‌زراوه‌یی لێكه‌ن، دا زانین ژى د نها دا قه‌باره‌یێ لهه‌ڤگهۆرینا بازرگانى یا مسرێ دگه‌ل تركیا 15 ملیار دۆلارن و دخوازن په‌یوه‌ندێن ئابۆرى و بارزرگانى به‌رفره‌هتر لێبهێن.
