شاخه‌وان عه‌بدوللا: سودانى 200 ملیار دینار ژ پاره‌یێ جۆتیارێن هه‌رێمێ خه‌رجكرن
بەلاڤ بکە
گاڤ
جێگرێ سه‌رۆكێ په‌رله‌مانێ ئیراقێ شاخه‌وان عه‌بدوللا راگه‌هاند، سه‌رۆكوه‌زیرێ ئیراقێ محه‌مه‌د شیاع سودانى د په‌یوه‌ندییه‌كا ته‌له‌فۆنى دا ب وى راگه‌هاندى یه، بڕیارا خەرجکرنا 200 ملیار دیناران ژ پاره‌یێ جۆتیارێن هه‌رێمێ هاتییه دان.
شاخه‌وان عه‌بدوللا د كۆنگره‌یه‌كێ رۆژنامه‌ڤانى دا ل دۆر پرسا مووچه‌یێن هه‌رێما كوردستانێ و كێشه‌یێن د ناڤبه‌را هه‌ولێرێ و به‌غدایێ دا گۆت، ئه‌و دگه‌ل وه‌زیرا دارایی یا ئیراقێ ئاخفتییه و گۆتیێ هه‌ر تێبینییه‌ك لسه‌ر لیستا مووچه‌خۆرێن هه‌رێمێ هه‌بیت وان ئاگه‌هدار بكه‌ت، نه‌ك هه‌ر جار ب به‌هانه‌یه‌كێ مووچه بهێنه گیرۆكرن. هه‌روه‌سا دا زانین بڕیاره دگه‌ل ئالیێن سیاسى یێن هه‌رێمێ دگه‌ل ته‌یف سامى كۆم ببن.
هه‌روه‌سا ل دۆر كێشه‌یا پارێن جۆتیارێن هه‌رێمێ ژى گۆت، ئه‌و دگه‌ل سه‌رۆكوه‌زیرێ ئیراقێ محه‌مه‌د شیاع سودانى ئاخفتییه و سودانى گۆتیێ، بڕیارا خه‌رجكرنا 200 ملیار دینارێن پارێن جۆتییارێن هه‌رێمێ هاتییه دان.