گاڤ

وەزارەتا بەرگرییا ئیراقێ گرێبسەتەک لگەل کۆمپانییا ئێربەس یا فرەنسی ئیمزاکر، ژبۆ کرینا ژمارەیەکا هەلیکۆپتەرێن شەری ژ جورێ کاراکال.

رێورەسمێن ئیمزاکرنا گرێبەستێ ئەڤرۆ ل بەغدا ب رێڤەچوو، سابات عەباس، وەزیرێ بەرگرییا ئیراقێ و پاتریک دۆرێل بالیۆزێ فرەنسا بەرهەڤبوون.

ئەو جورێ هەلیکۆپتەرا ئیراقێ ئیمزا لسەر کرینا وێ کری ناڤێ وێ کاراکال H225M شیانێن فرینا زێدەتر ژ 800 میلان هەیە. 

سابات عەباس، وەزیرێ بەرگرییا ئیراقێ د کۆنگرەیەکێ رۆژنامەڤانی دا راگەهاند؛ کاراکال هەلیکۆپتەرەکا گەلەک ب شیانە فەرماندارێن سەربازیێن ئیراقێ ژێ د رازی نە و ژبەرکو سوپایێ فرەنسا د شەرێ دژی داعشێ دا ب کارئیناینە.

بەری چەندەکێ مەدیایێن فرەنسی بەحس ل کرینا 12 هەلیکۆپتەرێن ژ جۆرێ کاراکال ژ ئالییێ ئییراقێ ڤە راگەهاندبوو و دیار کربوو کو ئیراقێ گرێبەستەک پێشکێشی کۆمپانییا ئێربەس یا فرەنسی کریە.