گاڤ – تایبه‌ت
پارتى دیموكراتى كوردستان دێ ده‌ست ب كۆمبوونا ل گه‌ل ئالیێن سیاسى كه‌ت و چاڤه‌رێى بۆ ئێكه‌م كۆمبوون شانده‌ك بچیته‌ سلێمانیێ و ل گه‌ل ئێكه‌تیێ كۆمببیت.
ل گۆره‌ى زانياريێن گاڤ، د ده‌مه‌كێ نزيك دا پارتى و ئێكه‌تى ژ بۆ ئاساییكرنا په‌یوه‌ندیان و چاره‌كرنا كێشه‌یێن د ناڤبه‌را هه‌ردو ئالیان دا، ب تایبه‌ت بابه‌تێ بایكۆتا جێگرێ سه‌رۆكێ حكومه‌تێ و كێشه‌یێن ئێمناهیێ و راده‌ستكرنا تاوانباران ب دادگه‌هێ و ئێكلاكرنا پۆستێن وه‌زاره‌تێن ژينگه‌هێ و ئاڤادانكرنێ يێن حكومه‌تا ئیراقێ، دێ كۆمبن.
بریارا سه‌ره‌دانا ئالیان د ئێكه‌م كۆمبوونا كۆمیته‌یا ناڤه‌ندى یا پارتى دا هاتیه‌دان و د كۆمبوونا ئه‌ڤرۆ یا مه‌كته‌با سیاسى یا پارتى ژى دا، به‌حسێ پێكئینانا شانده‌كى بۆ سه‌ره‌دانان هاتیه‌كرن.