گاڤ

ئه‌ڤرۆ یاریا دوماهیێ یا جاما كه‌نداڤى دێ هێته‌ كرن و یانه‌یا دهۆك ل هه‌مبه‌رى بزاڤه‌كا دیرۆكى یه‌ بۆ ب ده‌ستڤه‌ئینانا ناسناڤێ جاما كه‌نداڤى، ئه‌گه‌ر ناسناڤ ب ده‌ستڤه‌ئینا دێ 3 ملیۆن دۆلاران وه‌ك خه‌لات وه‌رگریت.

ئه‌ڤرۆ سێشه‌مبێ 15-4-2025ێ ل ده‌مژمێر 7 ئێڤارى یانه‌یا دهۆكێ د یاریگه‌ها خۆ دا دێ مێڤاندارییا یانه‌یا قادسیه‌ یا كوێتى كه‌ت و دهۆك ئێكه‌م یانه‌یا كوردستانێ و ئیراقێ  یه‌ ب گه‌هیته‌ یارییا دوماهیێ ژ جاما كه‌نداڤى و پێشت چ یانه‌یێن ئیراقى ناسناڤ نه‌برییه‌

ل گۆڕه‌یى كارگێرییا یانه‌یا دهۆكێ بۆ ڤێ یاریێ نێزیكى 23 هزار پلێت هاتینه‌ فرۆشتن و هزاران هانده‌رێن دهۆكێ، كوردستانێ و ئیراقێ چاڤه‌رێى ڤێ یاریا دیرۆكى دكه‌ن.

ل ناڤا دهۆكێ دو شاشه‌یێن مه‌زن هاتینه‌ دانان و ئه‌ڤ شه‌ڤه‌ كافى و رێستورانت و هه‌ر جهه‌ك دێ ژ دیمه‌نێن نیشاندانا یاریێ پڕ بن.

هه‌ر ئێك ژ مه‌سروور بارزانى، سه‌رۆكوه‌زیرێن هه‌رێما كوردستانێ، ده‌هان به‌رپرسێن دى یێن ئیراقى و سازیێن وه‌رزشى یێن ئیراق و هه‌رێما كوردستانێ دێ ل پێش یاریێ بن.

یێ جاما كه‌نداڤى ببه‌ت، ژبلى كو بوو قاره‌مانا جامێ، دێ 3 ملیۆن دۆلاران ژى وه‌ك خه‌لات وه‌رگریت و پلا دووێ ژى دێ ئێك ملیۆن دۆلاران وه‌رگریت.

 تەخ و چینێن جودا یێن سەرانسەرى پارێزگەها دهۆکێ ب درێسێن یانەیا دهۆکێ ئەڤرۆ چووینه‌ ده‌وامان و سه‌ر كارێن خۆ، ل هنده‌ك جهان تیشێرت، لحافه‌، ب ده‌ستناكه‌ڤن و ده‌هان دكانان ئه‌و درێس د فرۆشت لێ هێشتا داخوازى ل سه‌ر هه‌یه‌.