بۆ کێمکرنا زیانێن لەهیان باژێڕڤانی کەفتنە د ئامادەباشیێ دا
11/29/2022 - 14:44
گاڤ
رێڤەبەریا باژێڕڤانیان ل پارێزگەها دهۆکێ راگەهاند: سەقاناسیێ پێشبینیا بارانێن بۆش کریە، ئەو ژی کەفتینە د ئامادەباشیێ دا.
رێڤەبەریا باژێڕڤانیان ل پارێزگەها دهۆکێ راگەهاند: سەقاناسیا هەرێما کوردستانێ پێشبینی کریە کو ئەڤشەڤە و سوبەهی رۆژا چارشەمبی ژ ئەگەرێ بارینا رێژەیەکا زۆر یا بارانێ، ترسا چێبوونا لەهیان هەبیت، لەورا وان تیمێن خۆ خستینە د ئامادەباشیێ دا.
هەروەسا دیار کریە: رێڤەبەریا باژێڕڤانیان هەموو باژێڕڤانی ئاگەهدار کرینە کو هەر ئێک ل دەڤەرا خۆ تیمەکێ بێخیتە د ئامادەباشیێ دا داکو ئەگەر لەهی چێبوون، ب کێمترین زیان ژێ رزگار ببن.
ل رۆژا شەمبیا بۆری ژ ئەگەرێ بارینا رێژەیەکا زۆر یا بارانێ، ل چەندین دەڤەرێن دهۆکێ لەهی دروست ببوون.