نێچیرڤان بارزانی: بەهدینان و پارتی ئێک دل و گیانن، ئەو چیایێ بلند یێ هەرگاڤ ل پشت پارتی
بەلاڤ بکە
گاڤ
ب بەرهەڤبوونا نێچیرڤان بارزانی و مەسروور بارزانی مەزنترین بانگەشەیا پارتی ل دهۆکێ هاتەبرێڤەبر، نێچیرڤان بارزانی دیارکر، پێدڤییە کێشەیێن ل گەل بەغدا ب ئاشتیانە و دیالۆگێ بهێنەچارەکرن.
سێشەمبییێ 4ێ چریا دویێ یا 2025ێ، ب بەرهەڤبوونا هەردو جێگرێن سەرۆکێ پارتی دیمۆکراتی کوردستان، نێچیرڤان بارزانی و مەسروور بارزانی ل دهۆکێ ئاهەنگا پشتەڤانی و سەرئێخستنا لیستا 275 یا پارتی بۆ خۆلا شەشێ یا هەلبژارتنێن جڤاتا نوینەرێن ئیراقێ هاتەبرێڤەبرن.
دهقێ گۆتارا نێچیرڤان بارزانی ل کەرنەڤالا پارتی ل دهۆکێ:
جهماوهرێ رێزدار و خۆشتڤی
خهلكێ دهۆكا رهنگین و بەهدینانا خەملا كوردستانێ
زاخۆ، ئامێدی، ئاكرێ
خهلكێ دلسۆز یێ مه ل شێخان
بهردهرهش، سێمێل و ههمی دهڤهرێن وان، مالباتێن سهربلند یێن شههیدان
خهباتکەر و پێشمهرگەیێن قارهمان
دایك و خویشكێن دلسۆز
گهنجێن خۆراگر و ئازایێن مه
هوین ل ههر جههكێ بەهدینان بن
ئیڤارا ههوه باش و بخێربهێن سهرچاڤان و سهرسهرێ مه
ل دهسپێكا ئاخفتنێن خۆ، سلاڤ و رێز و حەزژێکرنا جهنابێ سهرۆک بارزانی بۆ ههوه ههمییان. سلاڤ و رێز و حەزژێکرنا ژ ناخێ دلێ من و برایێ من کاک مەسروور، بۆ ههوه ههمییان.
گەلک دلخۆشم كو ئهڤێ ئێڤارییێ ئهڤێ گهرم و گوڕییێ، جۆش و حهماسهتێ د ناڤ ههوه دا دبینم. چهند شانازییهكا مهزنه مرۆڤ د حزبهكێ دا بیت ئهڤ ههمی دلسۆز و وهفاداره ههبن.
بهلێ ئهڤه بەهدینانه، ئهڤه پارتییا مه یه، ئهڤه چیایێ بلنده كو ههردهم پشت و پهنایا پارتییه. هوین ههر بژین، هوین بۆ پارتی ههر ههبن.
بەهدینان و پارتی ئێك دلن، ئێك گیانن، ئێك دهنگن و من چ گۆمان نینه رۆژا 11/11 ئهم ههمی دێ داستانهكا دی یا سهركهفتنێ بۆ كورد و كوردستانێ، بۆ پارتی دیمۆكراتی كوردستان ب پشتهڤانییا ههوه و ب هاریكارییا خودێ تۆماركهین.
جهماوهرێ رێزدار و خهلكێ خۆشتڤی یێ مه
ئهز ههوه دبینم، ئهڤێ جۆش و خرۆشێ دبینم، ئێدی پشتراست دبم كو وهكی ههمی جاران د دیرۆکێ دا و ب پشتهڤانییا خودێ و پشتهڤانییا ههوه، سهركهفتن ههر بۆ پارتییه. ئهز ههوه دبینم، ئێدی پشتراست دبم كو ملیۆنهک دهنگ و زپتر ژی، دێ بۆ پارتی دیمۆکراتی كوردستان مسۆگهر بن.
من دڤێت ڤێ پرسیارێ ژ ههوه بكهم
هوین چ دبێژن؟
ب ئێك دهنگ..
خویشک و برایێن رێزدار
بەهدینان وەلاتێ خهبات و تێكوشانێیه، بهرخودان، قوربانیدان و قارهمانیێیه. كیژ مالا بەهدینان ههیه چیرۆكهكا پێشمهرگاتییێ، یان تێكوشهرەک تێدا نهبیت كو چهكێ بهرگری و پاراستنا كوردستانێ نهئێخستبیته سهر ملێ خۆ.
كیژ مالا بادینان هه یه كو دایكهكا دلسۆز تێدا نهبیت، سهبرهكا درێژ نهكێشابیت ههتا رۆژهكێ كورێ وێ یێ خهباتكار، پێشمهرگه، سهربلند و سهرفراز بزڤریته سهر ئاخا خۆ یا ئازاد.
ب هزاران گهنجێن بەهدینان دلێ وان تژی بوویه ژ خهون و هیڤی كو رۆژهكێ وەلاتێ خۆ ئازاد و ئارام و سهرفراز ببینن. ژیان و پاشهرۆژا خۆ تێدا ئاڤا بكهن، خهونێن خۆ تێدا بكهنه راستی و وهكی خهلكێ دنیایێ، سهردارێن وەلاتێ خۆ بن.
ل ڤێرێ، ل سهر ئاخا بهرخودان و ئازادییێ. سهرێ رێزێ بۆ گیانێ پاكێ شههیدان دچهمینین. سلاڤ و رێزان بۆ مالبات و كهسوكارێن وان یێن سهربلند دهنێرین. سلاڤ ل ههر كهسهكێ كو خهبات كری ههتا ئالایێ كوردستانێ ل سهر چیایێن بەهدینان و كوردستانێ ههر یێ بلند بیت، ژ وێرێ ئهم سلاڤێ بۆ ههمییان دهنێرین.
خهلكێ خۆشتڤی یێ بەهدینان
دیرۆکا پارتی و ڤێ دهڤهرێ ژئێک جودا نابیت. ئێکەمین لقێ پارتی ل ڤێ دهڤهرێ بوویه. ئێکەمین داستانا شۆرهشا ئیلۆنێ ل ڤێ دهڤهرێ بوویه. داستانا زاویتە، ب فهرماندەییا راستهوخۆ یا بارزانییێ نهمر و ب خوینا باب و باپیرێن ههوه هاتییهتۆماركرن.
ئێکەمین مهفرهزا شۆرهشا گولانێ ژی دیسان ل ڤێ دهڤهرێ بوویه. كهس نهشێت بهحسی دیرۆکا گهلێ مه و قوربانییێن گهلێ كوردستانێ بكهت، ئهگهر بهحسی قارهمانی، دلسۆزی و خهباتا بەهدینان نهكهت. ئهڤرۆ ژی ئهم نهشێین كوردستانێ بپارێزین، ئهگهر پشتهڤانی و دلسۆزییا ههوه نهبیت بۆ پارتی بۆ رێبازا بارزانی.
هوین خهلكێ وەلاتپارێز یێ بەهدینان بهری ههمر كهسهكی ههوه سهلماندییه كو سهركهفتنا پارتی، سهركهفتنا كوردستانێیه. كلیلا سهركهفتنا پارتی ژی بەهدینانه، بەهدینان نهێنییا سهركهفتنا پارتییه و دێ ههر نهێنییا سهركهفتنا پارتی مینیت.
11ی ڤێ ههیڤێ ژی دیسان بادینان دێ بیته سهركێشا سهركهفتنا پارتی. دێ بیته سهركێشا ملیۆنهک دهنگ و پتر بۆ لیستا 275 یا پارتی دیمۆكراتی كوردستان.
جهماوهرێ رێزدار
خهلكێ خۆشتڤی یێ مه ل بەهدینان
مه گهلهک جاران گۆتییه. بهلێ دیسان دوباره دكهین:
ئهڤ ههلبژارتنه بۆچی بۆ كوردستانێ گرنگه؟
بۆچی گرنگه پارتی سهربكهڤیت؟
بۆچی گرنگه پارتی ملیۆنهک و پتر دهنگان بئینیت؟
ببیته حزبا ئێکێ ل ئیراقێ هەمییێ؟
سالا 2005ێ مه ژی ل كوردستانێ ل گهل خهلكێ ئیراقێ، دهستوورێ ئیراقێ پهسهند كر. مه گۆتییه: ئیراقهكا نوی دێ هێتهدروستكرن كو وەلاتێ مه ههمییان بیت، لێ ئهڤە 20 سال چوون. دهستوور نههاتهبجهئینان. شهڕ، نهئارامی و مالوێرانی ب سهر ئیراقێ دا هاتن. مافێن دهستووری یێن خهلكێ كوردستانێ هاتنهبنپێکرن. فیدرالی هاتەپاشگوههاڤێتن، مه گۆت ئهو قویناغه قویناغهكا راگۆزەرە، لێ ئهو قویناغه ژی دهرباز بوو و نوکە ئیراق ئارام بوویه.
ئێدی دەمە و پارتی ڤێ جارێ ل بهغدا بزاڤان دکەت، بۆ بجهئینانا دهستوور و سیستمێ فیدرالی كار دكهت. ژ بهر هندێ دڤێت پارتی بهێز و شیانهكا مهزنتر ل بهغدا بیت، وهكی ههمی جاران، هوین هێز و شیانا مهزن یا پارتی دیمۆكراتی كوردستانن. هوین وەدكهن كو كاندیدێن پارتی ل گهل ئێك ملیۆن دهنگ و پتر بچنه بهغدا. ژ بهر كو گهرهنتییا بدهستڤهئینان و پاراستنا مافێن كوردستانێ، پارتییه و دشێت وی كاری بكهت.
پارتی ژ وێ رۆژا كو ل سهر دهستێ بارزانییێ نهمر هاتیهدامهزراندن و ههتا ئهڤرۆ، ئێك ئارمانجا مهزن ههبوویه: ئهو ژی گهلێ كوردستانێ بوو، هوین بوون. هوین ئارمانجا سهركردهیێ مهزن سهرۆک بارزانییێ نهمر بوون. هوین ل وەلاتێ خۆ ئازاد و سهرفراز بژین، ئهڤه داخوازا وی بوو. خۆ بۆ كهسێ نهچهمینن و زوردارییێ ژی ل كهسێ نهكهن.
پارتی پێدڤییه ب سهنگ بچیته بهغدا، ئانکو کوردستان و دهنگێن هەوە دێ ب سهنگ چنە بهغدا. ئهڤه ژی دێ چاوا دبیت؟ دڤێت سۆزا مه بۆ رۆژا 11/11 ئهو بیت دهنگێن مه سندوقێن دهنگدانێ تژی بكهن و دهنگێ خۆ بدهینه لیستا 275 یا پارتی دیمۆكراتی كوردستان.
خویشک و برایێن رێزدار
جهماوهرێ خوشتڤی یێ دهۆک و بەهدینان
وهك چەوا كوردستان مالا ههمییانه. پارتی ژی بێ جوداهی مالا مه ههمییانه. چادرا پارتی هند یا بەرفرەهـ و بلندە، جهێ ههمییان دکەت. پارتی مالا ههمی نهتهوه و ئایینانه. پارتی مالا موسلمانانه، ئێزدییانه، مهسیحییانه، كاكهییانه. مالا كورد و كلدان-ئاشوور-سریانی و ئهرمهنانه، مالا توركمان و عهرهبانه. مالا ههر كهسهكێ ستهملێكرییه.
بارزانییێ مهزن ئەم فێرکرینە كو خزمهتكارێن خهلكێ خۆ بین. سهرۆک بارزانی ژی ئەم فێرکرینە گەلەک كاربكهین و كێم بئاخڤین. پارتی بۆ خزمهتا خهلكی هاتییهدامهزراندن و ئهوێ پارتی بیت، خزمهتكاره.
ژ بهر كو ئارمانجا مه خزمهتا خهلكێ مه و وەلاتێ مه یه، مە دەمێ بهرسڤدانا نەحەز و نەیاران نینە. مه نهڤێت خۆ بگههینینه وی ئاستی. مه دڤێت كار و ئاڤهدانییا كوردستانێ بهرسڤا مه بیت بۆ نهیارێن پارتی. ئهم بهرسڤا كهسێ نادهین، ژ بهر كو خهلكێ كوردستانێ راستییا پارتی و یا وان دبینیت. بلا ئهو بئاخڤن و ئهم ژی دێ خزمهتا ههوه كهین و وەلاتێ خۆ ئاڤهدان كهین. مهزنان دگۆت: سهد گۆتن گووری كریارهكێ بن.
ههر ژ وێ رۆژا كو پارتی بوویه دهستهەلات و حوكمرانییا كوردستانێ وهرگرتی، ب بهردهوامی خزمهت و ئاڤهدانی كریه، ئارامی ئینایه. حكومهتا ههرێما كوردستانێ ب سهرکرداتییا پارتی ههر ژ رۆژا ئێکێ و ههتا ئهڤرۆ كاروانهكێ درێژ یێ خزمهت و ئاڤهدانییێ بڕیه. نوکە ژی ئهڤ كاروانه بهردهوامه و ب پشتهڤانییا ههوه دێ ههر بهردهوام بیت و ب هاریكارییا خودێ دێ گههینه وان ئارمانجێن كو ههوه خهبات بۆ كری و خزمهت بۆ كری و پێڤه ماندی بووین.
رێكێ بدهن دهستخۆشیهكا گهرم ل برایێ خو یێ رێزدار کاک مەسروور بارزانی بكهم، وهک سهرۆكوهزیرێ ههرێما كوردستانێ، سهرۆكوهزیرێ مه كو ل گهل ههمی زهحمهتی و ههمی ئاستهنگییێن كو بۆ هاتینه دروستكرن و دهێنهدروستكرن، كاروانێ خزمهتا كوردستانێ بهردهوام بوویه و ئهم ئهڤرۆ دبینین رۆژ ب رۆژ، ههر رۆژ جارهكێ هندەک پرۆژهیهكان ڤهدكهت و بهرێ بنیاتی چهند پرۆژهیهكان دادنیت.
ئهڤه یە پارتی، ئهڤه یە خزمهتكارێ پارتی و دەستقوتانەکا گهرم بۆ سهرۆكوهزیران. ل ههمی جهان و ل ههمی واران دا پرۆژه تهمام كرینه و دکەت. هندی پارتی هەیە، كار و خزمهت و پرۆژه ژی دێ ههر بهردهوام بن. پارتی پێناسەیا ئاڤهدانكرنێ و باوەرنامەیا ئاڤهدانكرنا كوردستانێ و ئارامییا كوردستانێ یا ژ گهلێ كوردستانێ و ژ ههوه وهرگرتیه و دێ ههر وهک خزمهتكارێ ههوه بهردهوام بیت.
جهماوهرێ خۆشتڤی
خهلكێ رێزدار یێ بەهدینان
گەلک فشار ل كوردستانێ هاتهكرن حههتا هەوە و پارتی بچهمینن، لێ ب هێزا ههوه، ب هێز و پشتهڤانییا ههوه، پارتی چیایه و ناچهمیت. فهرمانبهرێن مه دهواما خۆ نههێلا و خزمهتا خهلكێ خۆ كر. مامۆستایێن مه، بهردهوامی دا دهوامێ و دهرگههێن قوتابخانه و زانكۆیان ئێك رۆژ ژی نههاتنهگرتن.
پێشمهرگه و هێزێن مە یێ ئاسایشێ ژی، ژ بهرێ خۆرتتر و گهرمتر ئهركێن خۆ بجهئینان. ئهڤه جهێ پێزانین و سوپاسی و دهستخۆشیێیه و دلگهرمیهكه بۆ مه وهكی پارتی، هەتا مە ئهڤ جهماوهره هەبیت، هێزهک نینه بشێت پارتی ژ مهیدانێ بکەتەدەر.
ئهڤ دلسۆزییه چ جار ناهێتهژبیركرن. ئهڤه ئیرادهیا كوردستانییانه بهرامبهری زۆرداری و زێدهگاڤییێ. ئهڤه بهلگهیه بۆ دۆست و نهیاران كو ئهو گهلێ خۆ ل بهر ئهنفال و كیمیاباران و كومكۆژییێ گرتی، دێ خۆ ل بهر ههمی فشارێن وان ژی گریت. لەوما دێ دبێژم: هوین ههبن، هوین ههبن، ئهوێ ئهڤ خهلكێ خۆراگر ههبیت، قهت ناشكێت.
بۆ مه یا غەریب نینه كو ئهوێن ژ هێز و باوهرییا پارتی دترسن، تهنگاڤ ببن دهمێ دبینن پارتی ب پشتهڤانییا ههوه رۆژ بۆ رۆژ مهزنتر دبیت و باوهری ب پارتی زێده دبیت و پێگههێ ناڤخۆیی، ههرێمی و ناڤدهولهتی رۆژ بۆ رۆژ بهێزتر دبیت.
جهماوهرێ خۆشتڤی یێ كوردستانێ
دڤێت ئهم چ جار وان قارهمانان ژبیرنهكهین ئهوێن ب خوینا خۆ دارا ئازادی و سهرفرازییێ ئاڤدایی و ئهم گههاندینه ئهڤرۆ. ههروهسان کەدا پێشمهرگهیی و خهمێن خهلكێ كوردستانێ ژبیرنهكهین كو وان، شهڤێن رهش كرنه ئهڤرۆ یا رۆهن و گهش.
گهنجێن دەلال بەهدینان و كوردستانێ، دوهی ل چیا پێشمهرگه بوون، بهرگری ژ ئاخا خۆ دكر، ئهڤرۆ زهند و باسكێن خۆ ههلدانه، وەلاتێ خۆ ئاڤهدان دكهن. گهنج سامانێ كوردستانێنه. ئەز ڤێ ب باوەری دبێژم: ههر دهمێ دهرفهت بۆ گهنجێن كوردستانێ پهیدا بوویی، شیاینه ل سهر ئاستێ جیهانێ جهێ خۆ بكهن و ئالایێ كوردستانێ ل دههان جهان و جیهانێ ههلدەن. بهردهوام ئهز پاشهرۆژهكا گهش د چاڤێن گهنجێن كوردستانێ دا دبینم.
پاشهرۆژ بۆ گهنجێن مه یه و هیڤیدارم، هیڤیدارم گوهـ کو نهدهنه هندهک دهنگێن كو تۆڤێ بێئۆمێدییێ ل ناڤ هەوە دچینن. گوهـ نهدهنه وان دهنگێن كو ئهڤینا گهل و وەلات، د دلێ ههوه دا سار دكهن. پارتی ب خهباتا باب و باپیرێن ههوه 79 ساله ئهڤ ئالایه بلندکری و ئهڤ ئالایه یێ د دهستێ ههوه گەنجان دا، دا پارتی بهرهڤ قویناغهكا گهشتر و مهزنتر ببهن.
هیڤیدارم ئهڤ ههلبژارتنه بۆ وان گهنجان ئهزموون بیت و بلا گهنجێن مه ب گیانێ پێشمهرگاتییێ بچنه سهر سندۆقێن دهنگدانێ و دهنگ بدهنه نوینهرێن خۆ، نوینهر و خزمهتكارێن خۆ ل لیستا 275 یا پارتی دیمۆكراتی كوردستان.
خویشک و برایێن رێزدار
كچ و ژنێن كوردستانێ، پشكهكا گەلەک گرنگن ژ جڤاكا مهدهنی یا مه. ل ههمی وارێن ژیانێ دا ب دلسۆزی و داهێنان، خزمهت دكهن. ئافرهت وێنهیهكێ جوان یێ پێشكهفتنا كوردستانێیه. ستوینێن مال، خێزان و جڤاكینه. بێب وان، نه خێزان هه یه، نه مال، نه جڤاكهكا پێشكهفتی.
ههروهسان رۆلێ مهزن یێ مامۆستا و سهیدایێن ئایینی، بۆ پاراستنا بهایێن جڤاکی یێن مه و راگرتنا ئاشتییا جڤاكی، جهێ رێز و تەقدیرێیە. پشتهڤانێن پێكڤهژیان و ئێكدو قهبویلكرنێ نه. ئایین رێكا بهختهوهرییا مرۆڤانه. دین ل نک مە هند یێ پیرۆزە، پێدڤییه بلند و پاقژ بهێتهراگرتن و قهت بۆ بهرژهوهندی، یان بۆ سیاسهتێ نابیت بهێتهبكارئینان.
جهماوهرێ رێزدار
خویشک و برایێن خۆشتڤی
سیاسهتا پارتی و سهرۆک بارزانی یا حهكیمانه، خۆراگرییا ههوه، سهبر و بێهنفرەهییا ههوه، جهێ رێزگرتنهكا گەلەک مهزنه ل ههمی جیهانێ. ههر ئهڤهیه ژی كو بوویه ئهگهرێ سهركهفتنا دیپلۆماسییهتا ههرێما كوردستانێ.
پارتی و رێبازا بارزانییێ نهمر دێ ههر بهردهوام بن. ئهم گهلهكێ خۆراگرین، خودان دۆزهكا رهواین، ههر ئهڤهیه ژی كو هێزێ ددهته پارتی و پارتی دكهته خودانێ دۆزا كوردستانێ ل ههر جههكێ بیت. ل بن سیبهرا پارتی خهلک ههست ب ئارامییێ دكهت، ههست ب سهقامگیرییێ دكهت.
مه دڤێت ل گهل بهغدا ههمی كێشه و ئاریشێن خۆ، ب ئاشتی، ب دیالۆگ و لێكتێگههشتن، ب رێكا بجهئینانا دهستوور و سیستمێ فیدرالی، چارهسهر بكهین. مه دڤێت پارتی بهێز بیت ل بهغدا، ژ بهر كو پارتی دشێت ل وێرێ ههڤسهنگییێ بپارێزیت. دشێت ببیته پارێزهرێ بهرژهوهندییێن كوردستانیاین و یێن ئیراقییان ب گشتی.
دشێت ببیته پارێزهرێ ههمی پێكهاتهیان: چ موسلمان، چ مهسیحی. چ ئێزدی و چ كاكهیی، چ سابیئه، یان ههر بیروباوهرەک بیت. چ كورد، چ عهرهب. توركمان، كلدوئاشوور - سریان، شهبهك، ئهرمهن، یان ههر نهتهوهیهک بیت. تو ههر چ بی، هوین ههر چ بن، پارتی دێ ههر ل سهر پاراستنا ههوه بهردهوام بیت. پشتا پارتی بگرن، ههتا پارتی بشێت خزمهتا ههوه بكهت، ههتا مافێن ههوه پاراستی بن.
دهمێ پارتی بهێز بیت، ئێكرێزی، ئێكدهنگی، پێكڤهكاركرن، هاریكاری و تهبایی دێ ههر بهێز بیت. دهمێ ئهڤه ههبوون، پارتی و كوردستان و هێز و ئالییێن كوردی ل بهغدا، دێ باشتر شێن مافێن دهستووری یێن كوردستانێ و ههمی كوردستانییان ب ههمی پێكهاتهیێن وێ ڤه، بدهستڤهبئینن و بپارێزن.
خۆشتڤییان
كلیلا ههمی ڤان، كودێ ههمی ڤان د دهستێ ههوه دا یه. د دهستێ ههوه یێن دلسۆز دا یه. دهمێ ئهم ڤێ جۆش و خرۆشا ههوه دبینین، ئهم پشتراستین كو هوین ژی تەقسیرییێ ناكهن. رۆژا 11ی مەهێ دێ دهستێ پارتی بهێز كهن. دێ پارتی ب ملیۆنهک و پتر دهنگان هنێرنه بهغدا، ههتا كوردستان بهێز بیت و پتر بهێز بمینیت.
ژ بهر ڤێ یەکێ سۆزا مه ههمییان چییه؟
ب ئێک دهنگ بێژن: لیستا 275 یا پارتی دیمۆكراتی كوردستان.
خویشک و برایێن رێزدار
ههتا كوردستان بهێز بمینیت، پێدڤییه پارتی بهێز بچیته بهغدا، ژ بهر كو ئهو هێزهیه كو دشێت كارێن مهزن بكهت. حساباتێن مهزن بۆ پارتی دهێنهكرن. من ئێک داخواز ژ ههوه؛ خویشك و برا و جهماوهرێ پارتی و خهلكێ بەهدینان و كوردستانێ هه یه: رۆژا دهنگدانێ، بئیننه بیرا خۆ هزر بكهن و ئێك پرسیار بكهن:
كێ خهبات كریه؟ كێ شههید داینه و كێ ئهم گههاندینه ڤێ ئازادی، ئاڤهدانی و ئارامییێ؟ كێ ئهڤ كاره كرینه؟ كێ دشێت بهردهوامییێ بدهته ئاڤهدانییێ و ڤان دهستكهفتان بپارێزیت؟ كێ دشێت پاشهرۆژا كوردستانێ مسۆگهر بكهت؟ كێ خۆ بۆ دوژمنان نهچهماندیه و خۆ بۆ دوژمنان ناچهمینیت؟
دهنگێ خو بدهنه وێ لیستا كو بشێت ته و وهلاتێ ته بپارێزیت. ئهو ژی لیستا پارتی دیمۆكراتی كوردستانه. پارێزهرا ماف و دهستكهفتێن ههرێما كوردستانێیه.
ههڤالێن رێزدار ژبیر نهكهن، ئێك دهنگ ژی ل ڤێ دهڤهرێ، ل بەهدینان بۆ مه گەلەکە. پێدڤییه مەرجێ مه و مەرجێ ههوه ئهڤه بیت ئێكدهنگ ژی ژ دهستێ مه نهچیت. دڤێت رۆژا دهنگدانێ كهسێ نههێلن، ئهم ههمی پێكڤه بچینه سهر سندۆقێن دهنگدانێ و بهرهڤ دهنگدانێ بۆ لیستا 275 یا پارتی دیمۆكراتی كوردستان.
بێگۆمان ئهڤ جۆش و خرۆشا ههوه، ئهڤ بەرهەڤبوونا ههوه یا ئهڤرۆ، دلێ مه گهرم كر. دلێ مه گهرم كر كو بێگۆمان ئهم بهرهڤ وێ رێكێ دچین. ئهم بهرهڤ وێ سهركهفتنێ دچین، سۆزا مه و ههوه روژا 11/11ـه.
بخێر و خۆشی و سلامەتی بۆ كوردستانێ ب هاریكارییا خودێ.
ل ڤێرێ من ئاخفتنێن خۆ تهمام كرن، داخوازێ ژ برایێ خۆ یێ خۆشتڤی، سهرۆكێ حكومهتا ههرێما كوردستانێ دكهم ئهگهر ئهو ژی تهشریفێ بئینیت و پهیڤەک ههبیت بلا ب فهرمووت و ئهو ژی پێشكێشی ههوه بكهت.
ههمی ب خێربهێن سهرچاڤان و سهر سهرێ مه..