داخاز ئەرەدنی

​ئەگەر ئەم ل سەر ئاستێ سەربازی باخڤین  ئەمریکا وەک "سەرکەفتی" دیار بیت، بەلێ د تەرازوویا قازانجێن گشتی و ستراتیژی دا ئیران سەرکەفتییا ئێکێ یە د خواندنا هویربین یا شەڕێ دویماهییێ یێ د ناڤبەرا ئیران و ئەمریکا دا هەر کەسێ هۆسا سەحكەتێ کو قەبارێ وێرانییێ یان تێچوونا موشەکان بتنێ پیڤەرێ سەرکەفتن و شکەستنێ یە یێ شاشە چونکی دیمەن گەلەک ژ رویبرویبوونەکا سەربازی کویرترە ئەڤە "وەبەرهێنانە د قەیرانان دا" کو مێشکێ سیاسی یێ ئیرانی ب زیرەكيیەکا بلند برێڤەبر.

​ئیرانێ ب راستی ملیارێن دۆلاران ژ دەست دان وەک ئەنجامێ وێ رویبرویبوونێ راستەوخۆ کو ئەڤە بهایەکێ گران بوو سیستەمێ سەربازی و لۆجستی یێ وی وەلاتی دای بەلێ ل بەرامبەر دا تەهرانێ رێککەفتنەکا مێژوویی بدەستڤە ئینا کو سەدان سالە کەسێ جورئەت نەکریە بسەپینیت ئەو ژی "باجا بۆرینا نەفتێ"

​رازیبوونا ئەمریکا ل سەر دانا رسووماتێن کو دگەهنە 2 دۆلاران بۆ هەر بەرمیلەکا نەفتێ کو د بن چاڤدێرییا ئیرانێ دا دەرباز دبیت خالەکا وەرچەرخانێ یا سەرەكى یە ئەم لڤێرە بەحسێ ملیارێن دۆلاران دکەین کو دێ مەهانە ب رەنگەکێ بەردەوام و بۆ "هەتا هەتایێ" چنە د خەزینەیا ئیرانێ دا.

​تەهرانێ سەرکەفتی بوو د ڤەگوهاستنا خوسارەتییا خۆ یا "دەمکی" (کو بتنێ جارەکێ هاتە دان) بۆ داهاتەکێ دارایی یێ هەمیشەیی کو چو جاران ناهێتە بڕین واشنتۆن، یا کو هەردەم درووشمێ ئازادییا دەریاڤانییێ بلند دکر ل دویماهییێ ل هەمبەر ڤی واقیعێ تەعل چەمیایی دا کو بازارێن وزەی ل جیهانێ تووشی هەرفینێ نەبن  و ئەڤ چەندە ئیرانێ دکەتە سەرکەفتییێ هەرە مەزن د تەرازوویا "سەروەری و پارەی" دا.

​شەڕ ب وێرانییێ ل هندەک جهان ب دویماهی هات بەلێ چەرخەکێ نوى دەستپێکر کو تەهران تێدا بوویە شریکەکێ نەچار د هەر بەرمیلەکا نەفتێ دا کو د "دەرتەنگا هۆرمز" دا دەرباز دبیت و ئەڤە ئەو سەرکەفتنا راستی یە یا کو دێ بودجەیا وێ بۆ دەهان سالێن بهێن دابین کەت.

​ئەڤە بتنێ شیکاریەک بوو بۆ ڤێ رێککەفتنا ١٥ رۆژی و پشتی رێککەفتنا دویماهییێ ئەم دێ دیسا بۆ هەوە نڤیسین.