گاڤ

پەیڤدارێ حکومەتا هەرێما کوردستانێ پشتراستییێ ددەتە فەرمانبەر و مووچەخۆران کو چ کێشە بۆ مووچەیی پەیدا نابن.

پێشەوا هەورامانی، پەیڤدارێ حکومەتا هەرێما کوردستانێ بۆ مالپەری فەرمی یێ پارتی گۆت: ئەنجامێن کۆمبوونێن سیاسی رێکێ بۆ شاندێن تەکنیکی خۆش دکەن ل سەر یاسایا بۆدجێ ب گەهنە رێککەفتنێ. هەرێمێ ژ مێژە هەمی بەرهەڤییێن تەمام بۆ ڤی بابەتی کرینە. پشتراستییێ ددەین کو تا نوکە چ کێشە بۆ مووچەیێ فەرمانبەران نەهاتینە چێکرن و د پاشەرۆژێ ژی دا چ کێشە نابن. چاڤەرێینە ئیراق پابەندی دەرئەنجامێن دانوستاتاندنێن کۆمبوونان ببیت.

هەروەسا گۆت: هەردەمێ کۆمبوونێن سیاسی گەهشتنە ئەنجامەکێ باش، شاندا تەکنیکی ل گەل حکومەتا ئیراقێ دێ گەهنە رێککەفتنا دویماهییێ ل دۆر یاسایا بۆدجێ. ڤێ جارێ بتنێ دانوستاندنێن مووچەیی ناکەین، لێ دێ گرێدایی هنارتنا تەمام یا پشکا بۆدجەیا هەرێمێ بن وەکی هەمی دەڤەرێن دی یێن ئیراقێ.