گاڤ

سەقاناسییا هەرێما کوردستانێ راگەهاند، ل سەرانسەرى هەرێما کوردستانێ پلەیێن گەرمێ دێ داکەڤن و باران بارین دێ بەردەوام بیت و ل پترییا دەمان ژى دێ بریسى لێدەن.

ئەڤرۆ ئەینیێ رێڤەبەرییا گشتى یا سەقاناسى و ئەردهەژان ل هەرێما کوردستانێ راگەهاند، ئاسمان دێ د ناڤبەرا عەور و عەورێ تەمام دابیت و چپکێن بارانێ دێ ل هندەک جهان باران و بریسى ژى دێ لێدەنن و مەترسییا دروستبوونا لەهیان نینە.

سەقاناسییێ دیارکریە، پێلا بارانێ سوبەهى شەمبیێ ژى دێ بەردەوام بیت ب تایبەت ژى ل دەڤەرێن چیایى بارینا بارانێ دێ پتر بیت.

سەقاناسییا هەرێما کوردستانێ ئاشکراکریە ژى ل پارێزگەها دهۆکێ پلەیێن گەرمێ دێ 27 پلەیێن سیلیزى بن و ل زاخۆ ژى 30 پلە دێ هێنە تۆمارکرن.