سەرۆک بارزانى: کاراکرنا پەڕلەمانى گافەکە بۆ پاراستن و بهێزکرنا هەرێما کوردستانێ

بەلاڤ بکە

گاڤ

سەرۆک مەسعوود بارزانى پیرۆزباهى ل گەلێ کوردستانێ و دەستەیا سەرۆکایەتییا پەڕلەمانى و هەمى ئالیێن سیاسى کر و داخواز ژ وان ئالییان کر یێن پشکدار نەبووین ئەو ژى پشکدار بن.

سەرۆک مەسعوود بارزانى ب هەلکەفتا کاراکرنا پەڕلەمانێ کوردستانێ پیرۆزباهى ل گەلێ کوردستانێ، دەستەیا سەرۆکایەتییا پەڕلەمانى و هەموو ئالییێن سیاسى کر و گۆت: پشتى دو سال ل سەر هلەبژارتنێن پەڕلەمانێ کورستانێ دەربازبووین خۆشبەختانە پەڕلەمانێ کوردستانێ هاتە کاراکرن.

سەرۆک بارزانى سوپاسییا وان هەموو پەڕلەمانتاران کر یێن هەلوەست هەی و ب ئەرکێ خۆ یێ یاسایى و نشتیمانى رابووین و ئەڤ سازییا دەستوورى کاراکرى.

دوپاتکر ژى کاراکرنا پەڕلەمانى گاڤەکە ب ئاراستەیا پاراستن و بهێزکرنا هەرێما کوردستانێ ل دژى چ کەس و ئالییەکى نینە و ب پشتراستى ڤە د خزمەتا بەرژەوەندیێن بلند یێن گەلێ کوردستانێ و پرۆسەیا سیاسى دایە.

هەروەسا دازانین ژى نوکە پەڕلەمانى دەست ب کارێن خۆ کر و داخواز ژ هەموو ئالییان کر یێن پشکدارى وێ پرۆسێ نەبووین ئەو ژى پشکدار بن و پێکڤە بۆ خزمەتکرنا گەلێ کوردستانێ گاڤێن دى ب هاڤێژن و بۆ پرۆسەیا سیاسى هاریکاربن.

More About

Related