زانايێن ئهمريكى چارهسهريهكا نوى بۆ نهخۆشيا بهركێن گولچيسكان ئاشكراكر
گاڤ
لێكۆلينهكا ساخلهميێ يا ئهمريكى يا نوى چارهسهريهكا نوى بۆ نهخۆشيا بهركێن گولچيسكان ئاشكرا كر.
د لێكۆلينهكا د رۆژنامهيا نوشداريا ميزلدانان ل ئهمريكا بهلاڤبووى دا هاتيه؛ تهكنیكهكا چارهسهريێ يا نوى د پارچهپارچهكرنا بهركێن گولچيسكان دا بێى ههستكرنێ ب ئێشانێ و پاشى دهرئێخستنا وان ب رێكا ميزلدانێ سهركهفتن بدهسڤهئينايه.
تهكنيكا چارهسهريێ يا نوى ب رێكا دهردانا تيشكا سونارێ ’پێلێن سهر دهنگى- Ultrasound’ ب رێكا ئاراستهكرنا وێ بۆ سهر پيستى دا كو كارتێكرنا وێ بگههيته گولچيسكان كار دكهت.
ئهڤ پێلێن ههنێ دشێن گوهۆڕينێ د بهركێن د گولچيسكان دا پهيدا بكهن دا كو دهركهفتنا وان ب رێكا ميزلدانێ ب ساناهى بكهڤيت.
تهكنيكا نوى ب دو رێكان دهێته ئهنجامدان ئهو ژى:
رێكا ئێكێ: پهيداكرنا گوهۆڕينهكێ د جهێ بهركان دا دا كو بلڤن و پاشى ب رێكا ميزلدانێ بدهركهڤن.
رێكا دوێ: پارچهپارچهكرنا بهركێن گولچيسكان دا كو ببنه پارچهيێن بچويك و د شيان دا بيت ب رێكا گولچيسكان بدهركهڤن.
كێنێدى هال لێكۆلهر ژ زانكۆيا واشنتۆن راگههاند؛ تهكنيكا چارهسهريێ يا نوى بێى ئێشانه و د شيان دايه بێى پهنجكرنا نهخۆشى بهێته بكارئينان.
"پێدڤيه مرۆڤ گهلهك ئاڤێ ڤهخۆت و خوارنهكا ساخلهم بخۆت دا تووشى دروستبوونا بهركێن گولچيسكان نهبيت" ل گۆرهى راسپاردهيێن سهنتهرێ ئهمريكى يێ بهرسينگگرتن و پاراستنێ ژ نهخۆشيان.