هونەرمەندەکێ رۆژهەلاتێ کوردستانێ هاتە گرتن

بەلاڤ بکە

گاڤ

هونەرمەندەکێ رۆژهەلاتێ کوردستانێ ژبەر گۆتنا سترانەکێ بۆ پشتەڤانیا خۆنیشاندانان، ژ ئالیێ هێزێن حکومی ڤە هاتە گرتن.

رێکخراوا هەنگاو یا مافێن مرۆڤی راگەهاند: شاهۆ حسێنی، هونەرمەندێ رۆژهەلاتێ کوردستانێ سترانەک ب ناڤێ "بێلا چاو" بۆ پشتەڤانیا خۆنیشاندانێن نەرازیبوونێ گۆتیە و پشتی بەلاڤبوونا سترانێ ب دو رۆژان، هێزێن حکومی یێن ئیرانی ب سەر مالا وی دا گرتیە و ئەو دەستەسەر کریە.

ژێدەری خۆیا ژی کر: شاهۆ حسێنی دوهی رۆژا دوشەمبی 23-1-2023یێ هاتیە گرتن و تا نوکە دیار نینە کا ئەو بریە کیژ زیندانێ.

شاهۆ حسێنی خەلکێ باژێڕێ باوە یێ سەر ب کرماشانێ ڤەیە و ئێک ژ سترانبێژێن بەرنیاس یێن رۆژهەلاتێ کوردستانێ یە.

سترانا "بێلا چاو" ب ئێک ژ سترانێن جیهانی یێن هێمایێ شۆرەشێ یە و ب گەلێن بندەست دهێتە گۆتن.

More About

Related